Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

UMUNARA W’INDERETSI MYANDAGARO 2013

Inyishu z’ibibazo bishingiye kuri Bibiliya

Inyishu z’ibibazo bishingiye kuri Bibiliya

Imana yoba yumviriza amasengesho yose?

Imana irumviriza abantu bo mu mahanga yose. (Zaburi 145:18, 19) Ijambo ryayo Bibiliya riraturemesha kuyibwira ibituraje ishinga vyose. (Abafilipi 4:6, 7) Ariko rero, hariho amasengesho adahimbara Imana. Nk’akarorero, gusubiramwo amasengesho umuntu yafashe ku mutwe ntibiyihimbara.—Soma Matayo 6:7.

Vyongeye, Yehova aranka amasengesho y’abantu barenga n’ibigirankana kw’itegeko ryiwe. (Imigani 28:9) Nk’akarorero, mu bihe vya Bibiliya, Imana yaranse kwumviriza Abisirayeli bagirwa n’ubwicanyi. Biragaragara rero yuko hari ibintu dutegerezwa gushitsa nimba twipfuza ko Imana itwumviriza.—Soma Yesaya 1:15.

Twokora iki kugira ngo Imana itwumvirize?

Ntidushobora kwiyegereza Imana mw’isengesho tutagira ukwizera. (Yakobo 1:5, 6) Dutegerezwa kwemera ko ibaho be n’uko itwitwararika. Turashobora gukomeza ukwizera kwacu mu kwiga Bibiliya, kuko ukwizera nyakuri gushingiye ku bimenyamenya be n’imihango biri mw’Ijambo ry’Imana.—Soma Abaheburayo 11:1, 6.

Dukwiye gusenga twicishije bugufi kandi tukavuga ibivuye ku mutima. N’Umwana w’Imana, Yezu, yaricisha bugufi mu gusenga. (Luka 22:41, 42) Aho kubwira rero Imana ivyo yokora, dukwiye kurondera gutahura ivyo idusaba mu gusoma Bibiliya. Aho ni ho twosenga duhuza n’ukugomba kw’Imana.—Soma 1 Yohani 5:14.

Raba n'ibindi

Niwiyegereze Imana mw’isengesho

Imana yoba yumviriza igihe usenga? Kugira uronke inyishu y’ico kibazo, urakeneye gutahura ivyo Bibiliya yigisha ku bijanye n’isengesho.