VYOBA VYARIYADUKIJE?
Ubushobozi umubiri ufise bwo gukira igihe ukomeretse
MU BINTU vyinshi bituma umuntu ashobora kubaho, harimwo ubushobozi umubiri ufise bwo gukira no gusubirana igihe akomeretse. Ivyo bitangura umuntu ari ho agikomereka.
Rimbura ibi: Umuntu akira kubera uduhimba dutoduto tw’umubiri wiwe dukora ibintu vyinshi bitangaje:
-
Uduhimba twitwa plaquettes duca twihoma ahakomeretse bigatuma amaraso avura kugira umuntu ntagume avirirana.
-
Aho hantu haca havyimba kugira imicafu irimwo ivemwo.
-
Haciye imisi, igikomere kiriyugara ahakomeretse hagatangura kwuma.
-
Amaherezo, ha hantu harakira umubiri ugasubira gukomera.
Abahinga bafatiye kuri ukwo kuntu amaraso avura, bariko baragerageza guhingura ibintu bimeze nk’amasashe bishobora kwisanasana igihe bitabutse. Ivyo bintu birafise udusaho dutoya tubiri tubangabanganye duca tuvamwo utuntu tumeze nk’amazi igihe bitabutse. Utwo tuntu tumeze nk’amazi ducanganye duca duhinduka uburembo maze tugahoma ahatabutse. Ubwo burembo bumaze kwuma aho hantu haca hasubira gukomera. Umwe muri abo bahinga ariyemerera ko ubwo buhinga bariko barateza imbere “bwigana” ingene ibinyabuzima vyisanasana.
None uvyibazako iki? Ubwo bushobozi umubiri ufise bwo kwisanasana bwoba bwariyadukije? Canke hariho uwabushizeho?
Raba kandi
IBITABU N’UDUTABU
Vyoba vyararemwe?
Ivyo wemera ku bijanye n’ukuntu ubuzima bwatanguye kubaho biri n’ico bivuze koko.
BE MASO!
Umuganga yanonosoye ivyo kubaga asigura igituma yemera Imana
Muganga Guillermo Perez yaramaze imyaka myinshi yemera inyigisho y’ihindagurika, ariko ubu yarajijutse ko umubiri wacu waremwe n’Imana. Ni igiki catumye ahindura ivyiyumviro?
