Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

BE MASO! NTWARANTE 2014

 IBIHUGU N’ABABIBAMWO

Tuje muri Salvador

Tuje muri Salvador

IGIHE Abanyespanye bashika mu gihugu ubu citwa Salvador, hakaba haheze imyaka 500, abantu bo mu bwoko nyamukuru bwaho bita ico gihugu Cuscatlán, rikaba ari izina risobanura ngo “Igihugu c’ibirezi.” Muri iki gihe, benshi mu banyagihugu baho bakomotse ku moko y’imvukira zaho be n’Abanyaburaya bagiye kuhagerera.

Abanyagihugu bo muri Salvador bazwi ko ari abantu bakunda ibikorwa kandi b’umutima mwiza. Vyongeye ni abantu b’urupfasoni kandi bubaha. Imbere yo kuganiriza umuntu canke binjiye aho badandariza, babanza kuramutsa n’urupfasoni ngo “Buenos días” (mwaramutse) canke ngo “Buenas tardes” (mwiriwe). Nkako, ababa hagati mu gihugu no mu bisagara bitobito babona ko bitaranga urupfasoni kurengana umuntu utamuramukije.

Uburimyi bw’ikawa bwararanze cane kahise ka Salvador

Zimwe mu mfungurwa bakunda cane ni izitwa pupusa, zikaba zimeze nk’icapati zikoze mw’ifu y’ibigori canke y’umuceri zirimwo iforomaji n’ibiharage, inyama y’ingurube canke ibindi. Izo mfungurwa kenshi bazikoza agasosi k’itomati hamwe n’imboga zitwa curtido zigizwe n’uruvange rw’amashu, amakaroti, ibitunguru n’inkarihe (vinaigre) irimwo ibirungo. Naho bamwebamwe bakoresha imbugita n’ikanya mu gufungura pupusa, mu mico yabo bakunda kuzirisha iminwe.

Imfungurwa zitwa pupusa ni zimwe mu zikundwa cane muri Salvador

Isumo Los Tercios ry’i Suchitoto

 WARI UBIZI? Igihugu ca Salvador ciswe igihugu c’ibirunga. Hariyo ibirunga birenga 20, bimwebimwe muri vyo bikaba bigicira umuriro n’ubu. Isumo ry’amazi ryitwa Los Tercios rishunguruka ku bibuye birebire vy’impande zitandatuzitandatu vyavuye mu birunga.

Muri Salvador hari Ivyabona vya Yehova barenga 38.000 bari mu mashengero nka 700. Barigisha Bibiliya abantu nka 43.000 mu gisupanyoli, mu congereza no mu rurimi rwaho rw’ibimenyetso.