Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Be maso!  |  No 6 2017

 IBIGANIRO BIHUYE N’IBIRI KU GIPFUKISHO | ISI YOBA ITAKIVAYO?

Isi yoba itakivayo?

Isi yoba itakivayo?

MURI Nzero 2017 abahinga mu vya siyansi baratangaje amakuru adahumuriza. Hari umugwi w’abo bahinga wavuze ko isi yari yegereje cane gushikirwa n’agatikizo gakomeye katari bwigere kabaho, kubera ibintu abantu bakora. Babivuze bisunze isaha y’ikigereranyo bavuga ko yerekana umwanya usigaye kugira nya gatikizo gashike. Kuri iyo saha, sasita z’ijoro zihuye n’umusi w’ako gatikizo. Mu kwerekana ko uwo musi wegereje cane, urushinge rw’iminota barwigije imbere amasegonda 30, ruja kuri sasita z’ijoro zibura iminota ibiri n’igice. Ivyo ngo bisigura ko ako gatikizo kegereje cane kuruta ikindi gihe cose ugereranije n’iyi myaka irenga 60 iheze.

Mu 2018, abo bahinga bategekanya gusubira gusuzuma iminota isigaye kugira ngo ako gatikizo gashike. Mbega ico gihe hoho iyo saha izoba yerekana iki? Wewe uvyiyumvirako iki? Isi yoba igeze aho itakivayo? Ico kibazo kiragoye kwishura. Washima, n’abahinga ntibakibona kumwe. Si abantu bose bemera ivy’uwo musi w’agatikizo.

Nkako, abantu amamiliyoni bariteze kazoza keza. Bavuga ko bafise ibimenyamenya vyerekana ko isi be n’abantu bizorusimba kandi ko ubuzima bwacu buzorushiriza kumera neza. None ivyo bimenyamenya vyoba bifise ishingiro? Isi yoba itakivayo?