Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Be maso!  |  No 4 2016

 VYOBA VYARIYADUKIJE?

Ubuzima bw’iminzerere y’imbonekarimwe

Ubuzima bw’iminzerere y’imbonekarimwe

KU MIGABANE yose y’isi, ukuyemwo umugabane witwa Antarctique, harabayo ubwoko butandukanye bw’iminzerere. Ariko mu buraruko bushira ubuseruko bwa Amerika, harabayo umunzerere w’imbonekarimwe wamye ujoreza abahinga b’ibinyabuzima.

Rimbura iki kintu: Mu mpeshi, iminzerere y’imbonekarimwe uza ubona yadutse ikamara indwi nkeyi gusa. Mu kiringo gitoyi imara ku zuba, iriyambura urukoba rwo mu bwana, ikaririmba n’ijwi rimena amatwi, ikaguruka, ikarondoka hanyuma igapfa. Ariko igitangaje ni uko urundi runganwe rw’iyo minzerere rusubira kuboneka haciye imyaka 13 canke 17 bivanye n’ubwoko bwayo. None iba iri hehe muri iyo myaka yose?

Kugira twishure ico kibazo, dukeneye gutahura ubuzima budasanzwe bw’iyo minzerere. Haciye nk’indwi iyo minzerere isubiye kuboneka, ingabo n’ingore birabonana maze ingore igata amagi ava ku 400 gushika ku 600 ikayashira mu dushami tw’ibiti. Inyuma y’ivyo, iminzerere ikuze ica ipfa. Haciye indwi nkeyi, ivyana birava mu magi bigakorokera hasi, bikinjira mu kuzimu bikamarayo imyaka itari mike bitunzwe n’ukununuza imizi y’ibiti n’ibindi bimera. Ya myaka 13 canke 17 iheze, uza ubona urunganwe rushasha rw’iminzerere ikuze rwadutse, rukazokurikirwa n’urundi gutyogutyo.

Ikinyamakuru kimwe c’ibidukikije, kivuga ko ubuzima budasanzwe bw’iyo minzerere “bumaze imyaka amajana ari akananirabahinga. . . . N’ubu abahinga mu vy’udukoko ntibarashobora gusigura ukuntu ubuzima busiga ubwenge bw’iyo minzerere bwoba bwariyadukije.” Utwo dukoko ni amayobera koko.

Uvyibazako iki? Ukuntu iyo minzerere ibayeho, coba ari ikintu capfuye kwiyadukiza? Canke hariho uwabikoze?

Raba n'ibindi

IBITABU N’UDUTABU

Vyoba vyararemwe?

Ivyo wemera ku bijanye n’ukuntu ubuzima bwatanguye kubaho biri n’ico bivuze koko.