Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

BE MASO! No. 4 2016

Utuzu tumeze nk’amahema twitwa yourtes turi mu mubande wa Tash Rabat

 IBIHUGU N’ABABIBAMWO

Tuje muri Kirgistani

Tuje muri Kirgistani

KIRGISTANI ni igihugu kiri muri Aziya yo Hagati, gikikujwe n’imisozi iriko ibibarafu ku masonga. Gihana urubibe na Kazakistani, Uzbekistani, Tajikistani n’Ubushinwa. Ibice nka 90 kw’ijana vy’ico gihugu ni imisozi. Kirgistani ni yo irimwo umusozi muremure kuruta iyindi muri rwa rukurikirane rw’imisozi bita Tian Shan, ukaba ureha n’imetero 7.439 z’amaduga. Ibice nka 4 kw’ijana vy’ico gihugu ni amashamba. Ntibitangaje rero kuba ari kimwe mu bihugu vyo kw’isi birimwo ibiti vyinshi cimeza bivamwo imise.

Ivyabona vya Yehova barigisha Bibiliya abantu ibihumbi bo muri Kirgistani

Ubwakiranyi n’urupfasoni ni vyo biranga abanyagihugu bo muri Kirgistani. Igihe uvugana n’umuntu akuruta, umuvuga mu bwinshi, ukamubisa ngo yicare muhuriye muri bisi, ukamuha n’icicaro ciza igihe umwakiriye.

Imiryango myinshi usanga ifise abana batatu canke barenga. Umuhungu muto akenshi agumana n’abavyeyi naho yoba amaze kwubaka urwiwe, kugira abitwararike mu busaza bwabo.

 Abigeme kuva bakiri bato, baramenyerezwa ibikorwa vyo mu rugo kugira bazokwiteho ingo zabo. Baza gushikana imyaka nka 16 bashoboye gukora ivyo mu rugo vyose. Akenshi umugeni agenda bamutekereye. Mu vyo bamutekerera haba harimwo ibisaswa vy’ubwoko bwose, impuzu zitandukanye, ikirago canke ibindi. Umukwe atanga amahera canke ibitungwa bwa nkwano.

Mu misi mikuru canke mu gihe c’amaziko, barabaga intama canke ifarasi. Baca bayigaburamwo ibipande kandi igipande cose kiba gifise nyeneco. Umushitsi wese ahabwa igipande bakwiranye bivanye n’imyaka canke icubahiro afise. Ivyo vyose babigira kugira berekane rwa rupfasoni. Baca bagaburira abantu bose imfungurwa kavukire bita beshbarmak barisha amaboko.

Komuz ni igicurarangisho gikoreshwa cane