Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

BE MASO! No. 4 2016

 IKIGANIRO GIHUYE N’IBIRI KU GIPFUKISHO | ICOGUFASHA KWIMENYEREZA IBINTU VYIZA

2 Ca kure ivyokubera intambamyi

2 Ca kure ivyokubera intambamyi
  • Wiyemeje gufungura neza, ariko uko ubonye ibisuguti umutima urakuvamwo.

  • Wafashe ingingo yo guheba itabi, ariko umugenzi wawe asubiye kuriguha kandi azi neza ko uriko uragerageza kuriheba.

  • Wategekanije kwinonora imitsi uyu musi, ariko no kuja kurondera aho washize ibirato vya siporo bikubereye umuzigo.

Woba ubona ico abo bantu bahuriyeko? Vyaragaragaye ko ibintu bidukikije, ni ukuvuga ahantu turi n’abantu tumarana umwanya, bishobora gutuma bitworohera canke bitugora kugira akamenyero keza.

ICO BIBILIYA IVUGA: “Umunyabwenge ni uwubonye ivyago akihisha, mugabo abantu batazi utuntu n’utundi bararengana bakabwirizwa kwibonerako.”Imigani 22:3.

Bibiliya ituremesha kuba abantu babona kure. Tubigenjeje gutyo, birashobora gutuma twirinda ivyotubuza gushika ku migambi yacu, bigaca rero bitworohera kuyishikako. (2 Timoteyo 2:22) Muri make birahambaye ko dusuzuma aho turi n’abo twifatanya.

Nutume bitakworohera gukora ikintu kibi, utume bikworohera gukora ikintu ciza

ICO WOKORA

  • Nutume bitakworohera gukora ikintu kibi. Nk’akarorero, nimba ubona bikugora guheba ibifungurwa ata co bimarira umubiri, niwirinde kubigura canke kwama uca aho babidandaza. Muri ubwo buryo, niwabishaka bizogusaba akigoro kugira ngo ubironke gutyo bitume utabifungura.

  • Nutume bikworohera gukora ikintu ciza. Nk’akarorero, nimba utegekanya kwinonora imitsi mu gitondo imbere y’uko ukora ibindi, rara ushize impuzu za siporo hafi y’igitanda. Bizoca bizokworohera kuyijamwo.

  • Hitamwo neza abo ugira abagenzi. Barayamaze ngo “ubana na suneba ugasuneba nka we.” (1 Abakorinto 15:33) Ku bw’ivyo, niwirinde kwifatanya n’abantu bakora ibintu uriko uragerageza guheba maze wifatanye n’abogufasha gushika ku mugambi wawe.