Zaburi 99:1-9
99 Yehova abaye Umwami+. Amahanga najugumire.
Yicaye ku ntebe y’ubwami hejuru* y’abakerubi+. Isi ninyiganyige.
2 Yehova arahambaye i Siyoni,kandi ari hejuru cane y’amahanga yose+.
3 Nibashemeze izina ryawe rihambaye+,kuko riteye ubwoba kandi rikaba ari ryeranda.
4 Ni umwami akomeye akunda ubutungane+.
Waratsimbataje ubugororotsi.
Wazaniye ubutungane n’ubugororotsi+ abakomoka kuri Yakobo.
5 Nimuhayagize Yehova Imana yacu+, mwuname* imbere y’intebe y’ibirenge vyiwe+.Ni mweranda+.
6 Musa na Aroni bari mu baherezi biwe+,Samweli na we yari mu bambaza izina ryiwe+.
Barambaza Yehova,na we akabishura+.
7 Yavuganira na bo mu nkingi y’igicu+.
Baragumije ivyibutswa vyiwe n’amategeko yabahaye+.
8 Ewe Yehova Mana yacu, warabishura+.
Wababereye Imana itanga imbabazi+,ariko warabahana* kubera ibicumuro vyabo+.
9 Nimuhayagize Yehova Imana yacu+,mumwunamire* ku musozi wiwe mweranda+,kuko Yehova Imana yacu ari mweranda+.
Utujambo tw'epfo
^ Hashobora kandi kuvugwa ngo «hagati.»
^ Canke «musenge.»
^ Mu giheburayo havuga ngo «warabihora.»
^ Canke «mumusengere.»
