Zaburi 98:1-9
-
Yehova, Umukiza n’Umucamanza agororotse
-
Yehova yaramenyesheje ingene akiza (2, 3)
-
Ni zaburi.
98 Nimuririmbire Yehova indirimbo nshasha+,kuko yakoze ibintu bitangaje+.
Ukuryo kwiwe, ukuboko kwiwe kweranda, kwarokoye abantu biwe*+.
2 Yehova yamenyekanishije ingene akiza+.Yahishuriye amahanga ubugororotsi bwiwe+.
3 Yibutse ko yasezeranye gukunda* inzu ya Isirayeli no kutayihemukira+.
Isi yose yiboneye ingene Imana yacu irokora abantu bayo*+.
4 Nimuvugirize impundu Yehova, mwese ababa kw’isi!
Nimunezerwe, muvuze impundu kandi muririmbe amashemezo*+.
5 Nimuririmbire amashemezo Yehova mukoresheje inanga,mukoresheje inanga n’indirimbo ziryoheye ugutwi.
6 Nimwigine imbere y’Umwami Yehova,mukoresheje inzumbete n’ijwi ry’inzamba+.
7 Ikiyaga n’ibicuzuye vyose nibituragare.Isi* na yo nyene nituragare n’ibiri muri yo vyose.
8 Inzuzi nizikome amashi.Imisozi yose hamwe niyihe akaruru k’umunezero+
9 imbere ya Yehova, kuko agira aze* gucira imanza isi.
Azocira imanza isi mu bugororotsi+,acire imanza amahanga mu butungane+.
Utujambo tw'epfo
^ Canke «kwatumye atsinda.»
^ Canke «kwereka urukundo rudahera.»
^ Canke «yiboneye intsinzi y’Imana yacu.»
^ Canke «kandi mucurarange.»
^ Canke «isi yimbuka.»
^ Canke «kuko yaje.»
