Zaburi 58:1-11
-
Imana izocira urubanza ababa kw’isi
-
Gusaba Imana ko ababisha bohanwa (6-8)
-
Ku mukuru w’abaririmvyi: bayiririmbira kw’ijwi ryitwa «Ntuhonye.» Ni indirimbo* ya Dawidi.
58 Mbega mwoshobora kuvuga ivy’ubugororotsi kandi muguma munumye+?
Mwebwe abana b’abantu mwoshobora guca urubanza rugororotse+?
2 Ahubwo muguma mwiyumvira ibitagororotse mu mitima yanyu+,amaboko yanyu akuzuza ububisha mu gihugu+.
3 Ababisha bata umurongo* kuva bakivuka.Ni abagarariji, ni ababeshi kuva bakiva mu nda.
4 Ubumara bwabo ni nk’ubumara bw’inzoka+.Ntibumva, bameze nk’incira yiziba amatwi.
5 Ntiyumviriza ijwi ry’abapfumu bahenda inzoka*,naho bokoresha ubuhanga bungana gute.
6 Ewe Mana, nubahongore amenyo!
Ewe Yehova, numenagure imisaya y’izi ntambwe*!
7 Nibazimangane nk’amazi atemba agakama.
Ese Imana yofora umuheto wayo ikabicisha imyampi yayo.
8 Nibamere nk’igifyera kigenda kirayonga,nk’umwana yavutse yapfuye, atigera abona izuba.
9 Imbere y’uko inkono zanyu zumva ubushuhe bw’inkwi*,Imana izogurura inkwi mbisi n’izamaze gufatwa, nka kurya kw’igihuhusi+.
10 Umugororotsi azonezerwa kuko yabonye ingene wihora ababisha+.Azojobeka ibirenge vyiwe mu maraso yabo+.
11 Abantu rero bazovuga bati: «Ni ukuri, hariho impera ku mugororotsi+.
Emwe, hariho Imana ica imanza mw’isi+.»
Utujambo tw'epfo
^ Mu giheburayo havuga ngo «mikitamu.» Raba Insiguro y’amajambo (Mikitamu).
^ Canke «bononekara.»
^ Canke «ijwi ry’abagosi.»
^ Canke «intambwe z’imikangara zifise ivyoya kw’izosi.»
^ Canke «bw’umubambangwe.»
