Zaburi 19:1-14
Ku mukuru w’abaririmvyi. Ni zaburi ya Dawidi.
19 Ijuru riratangaza ubuninahazwa bw’Imana+,ikirere na co kikamenyesha ibikorwa vy’amaboko yayo+.
2 Uko bukeye, ijwi ryavyo ridudubiza nk’amazi,uko bwije na ho rigahishura ubumenyi.
3 Nta rurimi canke amajambo bivuga.Ijwi ryavyo ntiryumvikana.
4 Ariko intahe* yavyo yarakwiragiye kw’isi yose.Ubutumwa bwavyo bwarashitse ku mpera y’isi*+.
Imana yubakiye izuba ihema mw’ijuru.
5 Rimeze nk’umukwe asohotse ava mu cumba ciwe,rinezerwa nk’umugabo w’intwari ariko ariruka mu nzira.
6 Riva ku mpera imwe y’ijururikazunguruka gushika ku yindi mpera+.Nta na kimwe kidashikirwa n’ubushuhe bwaryo.
7 Itegeko rya Yehova riratunganye+, rituma umuntu agarura agatege+.
Ivyibutswa vya Yehova ni ivyo kwizigirwa+, bicisha ubwenge umuntu atazi utuntu n’utundi+.
8 Ivyagezwe vya Yehova biragororotse, bituma umutima unezerwa+.Amabwirizwa ya Yehova ntiyanduye, atuma amaso akayangana+.
9 Ugutinya Yehova+ kuratyoroye, kwamaho ibihe vyose.
Imanza za Yehova ni iz’ukuri, zose ziragororotse+.
10 Ni ivyo kwipfuza kuruta inzahabu,kuruta inzahabu nyinshi nzizanziza*+,kandi birasosa kuruta ubuki+, ubuki butemba mu bimamara.
11 Umusavyi wawe yaburiwe na vyo+,kandi kuvyubahiriza birimwo impera nyinshi+.
12 Ni nde yoshobora kumenya amakosa yiwe bwite+?
Numbabarire ibicumuro nakoze ntabizi.
13 Nurinde umusavyi wawe ibikorwa vy’ukwita imbere+.Ntureke ngo binganze+.
Aho rero nzoheza mbe intungane+kandi sinagirwe n’ibicumuro bikomeye*.
14 Ese amajambo yanje hamwe n’ivyo nzirikanavyoguhimbara+, ewe Yehova Gitandara canje+ n’Umucunguzi wanje+!
Utujambo tw'epfo
^ Hashobora kandi kuvugwa ngo «ikamba yavyo yo gupimisha.»
^ Canke «isi yimbuka.»
^ Canke «zityoroye.»
^ Canke «ibicumuro vyinshi.»
