Zaburi 139:1-24
Ku mukuru w’abaririmvyi. Ni zaburi ya Dawidi.
139 Ewe Yehova, waransuzumye kandi uranzi+.
2 Urabimenya iyo nicaye n’iyo mpagurutse+.
Ivyiyumviro vyanje ubimenya bikiri kure cane+.
3 Uranyihweza* iyo ndiko ndagenda n’iyo ndyamye.Inzira zanje zose urazizi neza+.
4 Ewe Yehova, imbere y’uko mvuga ijambo na rimwe,wewe uba wamaze kurimenya+!
5 Urankikuza imbere n’inyuma,kandi ungumizako ukuboko kwawe.
6 Ubwo bumenyi burandengeye*.
Burahanitse cane ku buryo ntobushikira*+.
7 Mbega nohungira hehe impwemu yawe?Nohungira hehe amaso yawe+?
8 Hamwe noduga mw’ijuru, ni yo woba uri!Hamwe nosasa igitanda canje mu kuzimu, na ho nyene nogusangayo+!
9 Naho noguruka ndi ku mababa y’umutwenzinkaja kuba hafi y’ikiyaga kiri kure y’ibindi vyose,
10 na ho nyene ukuboko kwawe kwonyobora,ukuboko kwawe kw’ukuryo kwongumya+.
11 Hamwe novuga nti: «Umwiza uzompisha»,
ijoro rinkikuje ryoca rihinduka umuco.
12 Mbere n’umwiza w’umuzitanya ntiwokubuza kubona,ahubwo ijoro ryosigara ribona nko ku murango+.Umwiza n’umuco vyose ni cokimwe kuri wewe+.
13 Ni wewe waremye amafyigo yanje,kandi wagumye untwikiriye ndi mu nda ya mama*+.
14 Ndagushemeza kuko ndemwe mu buryo butangaje kandi buteye ubwoba+.
Ibikorwa vyawe ni agatangaza+,kandi ivyo ndabizi neza.
15 Amagufa yanje ntiwayanyegejweigihe wambumbira ahantu hihishije,igihe wanjishira mu nda ya mama*+.
16 Amaso yawe yarambonye ngisamwa inda.Ibihimba vyanje vyose vyari vyanditswe mu gitabu cawe,mbere n’imisi bizobumbirwakon’imbere y’uko bibaho.
17 Ese ukuntu ivyiyumviro vyawe ari ivy’agaciro kuri jewe+!
Ewe Mana, igitigiri cavyo ni kinini cane+!
18 Hamwe nogerageza kubiharura, biruta udutete tw’umusenyi+.
Naho nokwikangura nobandanya kubiharura*+.
19 Ewe Mana, ndagusavye wice ababisha+
kugira ngo abantu b’inkozi z’ikibi* bamveko,
20 barya bakuvuga nabi n’ibigirankana*.Ni abansi bawe kuko bafata nabi izina ryawe+.
21 Ewe Yehova, mbega sinanka abakwanka+kandi ngashishwa n’abakugarariza+?
22 Ndabanka urunuka+.Ni abansi banje katwa.
23 Ewe Mana, nunsesangure umenye umutima wanje+.
Nunsuzume, umenye ibindaje ishinga*+.
24 Nurabe ko hari ikintu kibi kiri muri jewe+,maze unyobore+ mu nzira y’ibihe bidahera.
Utujambo tw'epfo
^ Mu giheburayo havuga ngo «urampima.»
^ Canke «ni bwinshi cane ku buryo ntobutahura.»
^ Canke «burantangaza cane.»
^ Hashobora kandi kuvugwa ngo «kandi wanjishiye mu nda ya mama.»
^ Mu giheburayo havuga ngo «mu nda y’isi.»
^ Mu giheburayo havuga ngo «noba nkiri kumwe nawe.»
^ Canke «abicanyi.»
^ Canke «bisunze ivyiyumviro vyabo.»
^ Canke «ivyiyumviro bindurumbanya.»
