Zaburi 130:1-8

  • «Ndagutabaje nihebuye cane»

    • «Iyaba amakosa ari yo uraba» (3)

    • Ukubabarirwa nyakwo kuva kuri Yehova (4)

    • «Ndarindiriye Yehova ndabishashaye» (6)

Ni indirimbo y’abariko baraduga. 130  Ewe Yehova, ndagutabaje nihebuye cane+.  2  Ewe Yehova, niwumve ijwi ryanje. Ese wokwumva ugutabaza kwanje!  3  Ewe Yehova*, iyaba amakosa ari yo uraba*,ni nde yoguma ahagaze ga Yehova+?  4  Kuko iwawe ari ho hari ukubabarirwa nyakwo+,kugira ngo abantu bagutinye+.  5  Yehova ni we nizigiye, ndamwizigiye n’umutima wanje wose.Ijambo ryiwe ni ryo ndindiriye.  6  Ndarindiriye Yehova ndabishashaye+,kuruta uko inderetsi zirindira igitondo+,emwe kuruta uko inderetsi zirindira igitondo.  7  Isirayeli nigume irindiriye Yehova,kuko urukundo rwa Yehova rudahemuka+,kandi afise ububasha bwinshi bwo gukiza.  8  Azokiza Abisirayeli amakosa yabo yose.

Utujambo tw'epfo

^ Mu giheburayo havuga ngo «Ya.» Ni impfunyapfunyo y’izina «Yehova.»
^ Canke «ari yo ugumizako ijisho.»

Copyrights for this publication