Zaburi 13:1-6
Ku mukuru w’abaririmvyi. Ni zaburi ya Dawidi.
13 Ewe Yehova, uzonyibagira gushika ryari? Ibihe bidahera?
Uzompisha mu maso hawe gushika ryari+?
2 Nzogumana amaganya gushika ryari?Nzogumana intuntu mu mutima uko bukeye uko bwije?
Umwansi wanje azoguma antsinda gushika ryari+?
3 Ewe Yehova Mana yanje, nundabe unyishure!
Numurikire amaso yanje kugira simpfe*,
4 kugira umwansi wanje ntahave yigamba ngo: «Namutsinze!»
Ntureke ngo abandwanya banezerwe n’uko natemvye+.
5 Ariko jewe urukundo* rwawe ni rwo nizigiye+.Umutima wanje uzohimbarirwa ubukiriro utanga+.
6 Nzoririmbira Yehova, kuko yangiriye ivyiza vyinshi*+.
Utujambo tw'epfo
^ Mu giheburayo havuga ngo «sinsinzire mu rupfu.»
^ Canke «urukundo rudahemuka (rudahera).»
^ Canke «yampaye impera nyinshi.»
