Zaburi 112:1-10
112 Shemeza Yehova*+!
א [Alefu]
Hahiriwe umuntu atinya Yehova+,ב [Beti]agahimbarwa n’amabwirizwa yiwe+.
ג [Gimelu]
2 Abamukomokako bazoba abakomeye kw’isi,ד [Daleti]kandi urunganwe* rw’abagororotsi ruzohezagirwa+.
ה [He]
3 Mu nzu yiwe hari ubutunzi n’ibintu vy’agaciro,ו [Vau]kandi ubugororotsi bwiwe bwamaho ibihe vyose.
ז [Zayini]
4 Amurikira abagororotsi nk’umuco wakira mu mwiza+.
ח [Heti]
Yuzuye impuhwe* n’imbabazi+ kandi ni umugororotsi.
ט [Teti]
5 Uwutanga ingurane atitangiriye itama* bimugendera neza+.
י [Yodi]
Ibintu vyiwe vyose abikora mu butungane.
כ [Kafu]
6 Ntazokwigera anyiganyizwa+.
ל [Lamedi]
Umugororotsi azokwibukwa ibihe vyose+.
מ [Memu]
7 Ntazotinya inkuru mbi+.
נ [Nuni]
Umutima wiwe urashikamye, kuko yizigira Yehova+.
ס [Sameki]
8 Umutima wiwe ntuhungabana*, ntatinya+.ע [Ayini]Uburuhiro azokwitegereza ugutemba kw’abansi biwe+.
פ [Pe]
9 Aratanga cane*, agafasha aboro+.
צ [Tsade]
Ubugororotsi bwiwe bwamaho ibihe vyose+.
ק [Kofu]
Inguvu ziwe zizokwongerekana kandi azoterwa iteka*.
ר [Reshi]
10 Umubisha azobibona maze kamurye.
ש [Shini]
Azohekenya imisaya*, ashire ayonga.
ת [Tau]
Ivyipfuzo vy’umubisha bizomupfako ubusa+.
Utujambo tw'epfo
^ Canke «haleluya!» Mu giheburayo havuga ngo «shemeza Ya!» «Ya» ni impfunyapfunyo y’izina «Yehova.»
^ Canke «iyaruka.»
^ Canke «ubuntu.»
^ Canke «abigiranye ubuntu.»
^ Canke «uratekanye», «uraremye.»
^ Canke «atitangiriye itama.»
^ Mu giheburayo havuga ngo «ihembe ryiwe rizoshirwa hejuru mu buninahazwa.»
^ Canke «amenyo.»
