Zaburi 111:1-10
111 Shemeza Yehova*+!
א [Alefu]
Nzoshemeza Yehova n’umutima wanje wose+ב [Beti]mw’ikoraniro ry’abagororotsi no mw’ishengero.
ג [Gimelu]
2 Ibikorwa vya Yehova birahambaye+.ד [Daleti]Abo bihimbara bose baravyiga+.
ה [He]
3 Igikorwa ciwe kiraninahaye kandi kirateye igomwe.ו [Vau]Ubugororotsi bwiwe bwamaho ibihe vyose+.
ז [Zayini]
4 Atuma ibikorwa vyiwe bitangaje biba intibagirwa+.
ח [Heti]
Yehova yuzuye impuhwe* n’imbabazi+.
ט [Teti]
5 Aronsa ibifungurwa abamutinya+.
י [Yodi]
Yama yibuka isezerano ryiwe ibihe vyose+.
כ [Kafu]
6 Yahishuriye abantu biwe ibikorwa vyiwe vy’ububashaל [Lamedi]mu kubaha intoranwa y’amahanga+.
מ [Memu]
7 Ibikorwa vy’amaboko yiwe birangwa n’ukuri n’ubutungane+.נ [Nuni]Ivyagezwe vyiwe vyose ni ivyo kwizigirwa+.
ס [Sameki]
8 Vyama ari ivyo kwizigirwa* gushika ibihe bidahera.ע [Ayini]Bishingiye ku kuri no ku bugororotsi+.
פ [Pe]
9 Yaracunguye abantu biwe+.
צ [Tsade]
Yashinze ko isezerano ryiwe ryamaho ibihe vyose.
ק [Kofu]
Izina ryiwe ni ryeranda kandi rirateye akoba+.
ר [Reshi]
10 Gutinya Yehova ni yo ntango y’ubukerebutsi+.
ש [Sini]
Abubahiriza ivyagezwe vyiwe* bose baba berekanye ko babona kure*+.
ת [Tau]
Arabereye gushemezwa ibihe vyose.
Utujambo tw'epfo
^ Canke «haleluya!» Mu giheburayo havuga ngo «shemeza Ya!» «Ya» ni impfunyapfunyo y’izina «Yehova.»
^ Canke «ubuntu.»
^ Canke «birashimangiye.»
^ Mu giheburayo havuga ngo «abavyubahiriza.»
^ Canke «ko bafise ugutahura kwimbitse.»
