Yesaya 62:1-12
-
Izina rishasha rya Siyoni (1-12)
62 Ku bwa Siyoni sinzonuma+,kandi ku bwa Yeruzalemu sinzotekereza,gushika ubugororotsi bwaho bukayanganye nk’umuco wakaka+,ubukiriro bwaho na bwo bukaka nk’ikimuri+.
2 «Ewe mugore, amahanga azobona ubugororotsi bwawe+,abami bose babone ubuninahazwa bwawe+.
Uzokwitwa izina rishasha+,rivuye mu kanwa ka Yehova ubwiwe.
3 Uzoba urugori rw’ubwiza mu kuboko kwa Yehova,ube igitambara abami bazingira mu mutwe mu kiganza c’Imana yawe.
4 Ntuzokwongera kwitwa umugore yahebwe+,canke ngo igihugu cawe gisubire kwitwa umusaka+.
Ahubwo uzokwitwa Uwumpimbara+,igihugu cawe na co citwe Uwarongowe.
Kuko Yehova azohimbarwa kubera wewe,kandi igihugu cawe kizomera nk’umugore yarongowe.
5 Kuko ababa iwawe bazokurongorank’uko umusore arongora umwigeme w’isugi.
Kurya umukwe anezerwa kubera umugeni,ni ko n’Imana yawe izonezerwa kubera wewe+.
6 Ewe Yeruzalemu, nashize inderetsi hejuru ku nzitiro zawe.
Umurango wose n’ijoro ryose ntizikwiye kwigera zinuma.
Mwebwe muvuga ivyerekeye Yehova,ntimuruhuke,
7 kandi ntimumwemerere kuruhuka gushika akomeje Yeruzalemu,emwe, gushika ayigize ikintu gishemezwa mw’isi yose+.»
8 Yehova yarahije ukuryo kwiwe, arahiza ukuboko kwiwe gukomeye ati:
«Sinzoreka ngo abansi bawe bongere kurya intete zawe,kandi abanyamahanga ntibazonywa umuvinyu wawe mushasha wacumukuriye+.
9 Ahubwo abimbura intete ni bo bazozirya, kandi bazoshemeza Yehova.Abegeranya inzabibu ni bo bazonywera umuvinyu mu bigo vyanje vyeranda+.»
10 Nimurengane, nimurengane muciye mu marembo.
Nimutunganirize abantu inzira+.
Nimutsindagire ibarabara rikuru* riringanire.
Nimurikuremwo amabuye+.
Nimushingire ikimenyetso* amahanga+.
11 Ibi ni vyo Yehova yatangaje gushika ku mpera z’isi ati:
«Nimubwire umukobwa wa Siyoni muti:“Raba! Ubukiriro bwawe buraje+.
Raba! Imana ije ifise impera itanga,kandi impembo itanga iri imbere yayo+.”»
12 Bazokwitwa abantu beranda, abantu bacunguwe na Yehova+,nawe uzokwitwa igisagara kironderwa, igisagara kitahebwe+.
