Yesaya 46:1-13
46 Beli* irunamye+, Nebo irigonze.
Ibishusho vyavyo bitwarwa n’ibikoko, emwe ibikoko bitwara imizigo+.Bimeze nk’imizigo iremereye ibikoko birushe.
2 Vyompi birigonze kandi birunamye.Ntibishobora kurokora imizigo*kandi na vyo ubwavyo biriko bija mu bunyagano.
3 «Nimunyumvirize, yemwe abakomoka kuri Yakobo, namwe mwese abasigaye mw’ihanga rya Isirayeli+,mwebwe abo nafashije kuva mukivuka, abo nahetse kuva mukiva mu nda+.
4 Muzorinda musaza nkiri wa wundi+.Muzorinda mumera imvi nkibashigikira.
Nk’uko nabigize, nzobaheka, ndabashigikire, ndabakize+.
5 Mbega ni nde mwonsanisha canke mwonganisha+?Mwongereranya na nde ku buryo dusa+?
6 Hari abakura inzahabu nyinshi mw’isaho,bagapima ifeza ku munzane.
Barariha umucuzi, na we akabikoramwo imana+.
Baraheza bakayikubita imbere bakayisenga*+.
7 Barayirerura bakayishira ku rutugu+,bakayitwara bakayitereka mu kibanza cayo, ikigumira aho.
Ntiva aho iri+.
Barayitakambira, mugabo ntiyishura.Nta we ishobora gukiza amagorwa+.
8 Nimwibuke ibi maze mugire umutima rugabo.
Nimubishire ku mutima, mwa bacumuzi mwe!
9 Nimwibuke ibintu* vya kera cane,yuko ndi Imana kandi ata yindi iriho.
Ndi Imana, nta n’imwe imeze nkanje+.
10 Mpera mu ntango nkavuga uko ibintu bizogenda*,ngahera kuva kera cane nkavuga ibintu bitarakorwa+.
Mvuga nti: “Umugambi* wanje uzoranguka+,kandi nzokora ikintu cose kimpimbara+.”
11 Ndiko mpamagara inyoni ihiga ngo ize ivuye i burasirazuba*+,ngahamagara mu gihugu ca kure umuntu azoshitsa umugambi* wanje+.
Narabivuze kandi nzobishitsa.
Narabiteguye no kubikora nzobikora+.
12 Nimunyumvirize, mwebwe ab’umutima w’intagondwa*,mwebwe muri kure y’ubugororotsi.
13 Ubugororotsi bwanje nabuzanye hafi,ntiburi kure,kandi sinzoteba kuzana urukiza+.
Nzokiza Siyoni, mpe Isirayeli ubwiza bwanje buhebuje+.»
Utujambo tw'epfo
^ Raba Insiguro y’amajambo (Merodaki).
^ Iyo mizigo ni ibishusho baremetse ibikoko.
^ Mu giheburayo havuga ngo «bakayunamira.»
^ Mu giheburayo havuga ngo «ivya mbere.»
^ Canke «ingingo», «impanuro.»
^ Mu giheburayo havuga ngo «iherezo.»
^ Canke «mu buseruko.»
^ Canke «ingingo», «impanuro.»
^ Mu giheburayo havuga ngo «ukomeye.»
