Yesaya 38:1-22

  • Hezekiya arwara hanyuma agakira (1-22)

    • Indirimbo yo gukenguruka (10-20)

38  Muri iyo misi, Hezekiya ararwara agera hafi yo gupfa+. Nuko umuhanuzi Yesaya+ mwene Amozi aza kumuraba, amubwira ati: «Yehova avuze ati: “Tunganya ivyo mu rugo rwawe* kuko ugiye gupfa. Ntuzokira+.”»  Hezekiya aca arahindukira arabana n’uruhome, asenga Yehova ati:  «Ndagusavye Yehova, ni ukuri ndakwinginze, wibuke+ ingene nagukoreye* ntahemuka kandi n’umutima wanje wose+, nkakora ivyo ubona ko ari vyiza.» Maze Hezekiya atangura kurira cane.  Maze Yehova abwira Yesaya ati:  «Subira inyuma ubwire Hezekiya+ uti: “Yehova Imana ya sogokuruza Dawidi avuze ati: ‘Numvise isengesho ryawe+, ndabona n’amosozi yawe+. Ngira ndakwongere imyaka 15 yo kubaho+,  kandi wewe n’iki gisagara nzobakiza umwami wa Ashuri. Nzorwanira iki gisagara+.  Ikimenyetso kivuye kuri Yehova kikwereka ko Yehova azoshitsa ivyo avuze ni iki+:  ehe ngira ntume igitutu c’izuba camanutse ku ngazi* za Ahazi gisubira inyuma intambuko cumi+.’”» Maze izuba risubira inyuma intambuko cumi ku ngazi ryari ryamanutse.  Ibi ni vyo Hezekiya umwami w’Ubuyuda yanditse igihe yarwara hanyuma agakira. 10  Navuze nti: «Ngira nce mu marembo y’ukuzimuimisi y’ubuzima bwanje igeze hagati. Ngira nakwe imyaka nari nsigaje kubaho.» 11  Navuze nti: «Sinzobona Yehova*, sinzobona Yehova* mu gihugu c’abazima+. Sinzosubira kubona abantuigihe nzoba ndi kumwe n’ababa ahantu ata kintu na kimwe kihakorerwa. 12  Aho mba haranduwe hashirwa kure yanje+nka kurya kw’ihema ry’umwungere. Nazingazinze ubuzima bwanje nka kurya umujishi w’impuzu ayizingazinga.Ancacura nk’uwucacura inyuzi z’indamvu* z’impuzu yajishe. Kuva bugica gushika bwije, aguma anjana kw’iherezo ryanje+. 13  Ndatururuza umutima wanje gushika mu gitondo. Aguma amenagura amagufa yanje nka kurya kw’intambwe.Kuva bugica gushika bwije, aguma anjana kw’iherezo ryanje+. 14  Kurya kw’intamba canke imarankoni*, ni ko nguma njwira+.Nguma nguguza nk’inuma+. Amaso yanje yaruhijwe n’ukurangamiza hejuru+ mvuga nti: “Ewe Yehova, ndi mu maganya menshi.Numfashe*+.” 15  Mvuge iki? Yaragize ico ambwira, agira n’ico akoze. Nzogenda nicishije bugufi* imyaka yose nzobaho,kubera ko ndundumiwe mu mutima. 16  “Ewe Yehova, ivyo* ni vyo bituma umuntu abaho,kandi ni vyo biha ubuzima impwemu yanje. Uzotuma nsubira kugira amagara meza, unzigamire ubuzima+. 17  Raba! Aho kugira amahoro naradundumiwe cane.Mugabo wandinze icobo c’uguhonakubera unkunda+. Ibicumuro vyanje vyose wabitereye inyuma y’umugongo wawe*+. 18  Kuko ukuzimu kudashobora kukuninahaza+,n’urupfu ntirushobora kugushemeza+. Abamanuka mu cobo ntibaba baciteze kubona ingene uri umwizigirwa+. 19  Umuzima, umuzima ni we ashobora kugushemezank’uko nshoboye kubigira uyu musi. Se w’abana arashobora kubigisha ingene uri umwizigirwa+. 20  Ewe Yehova, nkiza!Tuzoheza tuvuze indirimbo zanje ku bicurarangisho vy’imirya+imisi yose y’ubuzima bwacu, tuzivugirize ku nzu ya Yehova+.”» 21  Yesaya aca avuga ati: «Nimuzane insukoni zumye zibumbabumvye, muce muzishira ku gihute kugira akire+ 22  Hezekiya yari yabajije ati: «Ikimenyetso c’uko nzoduga nkaja ku nzu ya Yehova ni ikihe+

Utujambo tw'epfo

Mu giheburayo havuga ngo «nuhe amategeko urugo rwawe.»
Mu giheburayo havuga ngo «nagendeye imbere yawe.»
Izo ngazi bashobora kuba barazirabirako aho amasaha ageze, bafatiye ku gitutu.
Mu giheburayo havuga ngo «Ya.» Ni impfunyapfunyo y’izina «Yehova.»
Mu giheburayo havuga ngo «Ya.» Ni impfunyapfunyo y’izina «Yehova.»
Hashobora kandi kuvugwa ngo «umusambi.»
Mu giheburayo havuga ngo «nunyishinge (nka kurya kw’umwishingizi).»
Canke «niyoroheje.»
Ni ukuvuga ivyo Imana ivuga n’ivyo ikora.
Canke «wabikuye imbere y’amaso yawe.»