Mika 7:1-20
7 Ndagowe! Meze nk’umuntuaja kurondera inzabibu* zo kurya akabura,n’insukoni zera kare yipfuza cane akazibura,akabirondera iyimbura ry’ivyamwa vyera mu ci ryaheze,n’abatoragura utwasigaye mw’iyimbura ry’inzabibu bamaze kuhaca.
2 Intahemuka yahonye* mw’isi.Nta wugororotse ariho mu bantu+.
Bose barabunda kugira basese amaraso+.
Umwe wese ahiga mwenewabo akoresheje urusenga rw’umukwabu.
3 Amaboko yabo ni karuhariwe mu gukora ikibi+.Umutware aragira ivyo asaba,umucamanza agasaba impera+,umunyacubahiro na we akavuga ivyo yipfuza*+,kandi bakabipfundikira hamwe*.
4 Uwumeze neza kuruta abandi muri bo ameze nk’amahwa.Umuntu w’intungane kuruta abandi muri bo ni mubi kurusha uruzitiro rw’amahwa.
Wa musi inderetsi zawe zavuga, umusi wo kugira ico ubazwa, uzoza+.
Bazotekerwa n’ubwoba+.
5 Ntimwizere umugenzicanke ngo mwizigire umugenzi somambike+.
Uragaba ku vyo ubwira umugore mupfumbatirana.
6 Kuko umuhungu asuzugura se,umukobwa agahagurukira nyina+n’umukazana agahagurukira inabukwe+.Abansi b’umuntu ni abo mu muryango wiwe+.
7 Ariko jeho, nzoguma nderetse Yehova+.
Nzorindira* Imana y’ubukiriro bwanje+.
Imana yanje izonyumva+.
8 Ewe wa mwansi* wanje, ntunezerwe kubera ivyanshikiye!
Naho natemvye, nzohaguruka.Naho mba mu mwiza, Yehova azombera umuco.
9 Nzokwihanganira uburake bwa Yehovakuko namucumuyeko+.Nzokwihangana gushika amburaniye, akantunganiriza.
Azonsohokana anjane ku muco.Nzokwitegereza ubugororotsi bwiwe.
10 Umwansi wanje na we nyene azobibonayicwe n’ibimaramare, umwe yahora ambwira ngo:
«Yehova Imana yawe ari hehe+?»
Amaso yanje azomwitegereza.
Ico gihe azohonyangwa nk’urwondo rwo mu mabarabara.
11 Uzoba ari umusi wo kwubaka inzitiro zawe z’amabuye.Kuri uwo musi urubibe ruzokwagurwa*.
12 Uwo musi, bazoza iwawebavuye i Ashuri no mu bisagara vyo mu Misiri,kuva mu Misiri gushika no kuri rwa ruzi runini*,kuva ku kiyaga gushika ku kindi, no kuva ku musozi gushika ku wundi+.
13 Igihugu kizocika umusaka kubera abakibamwo,kubera ingaruka z’ivyo bakoze*.
14 Ragiza abantu bawe inkoni yawe, uragire ubusho bwawe ari yo ntoranwa yawe+.Bahora baba mu kibira ari bonyene, hagati mu murima w’ivyamwa.
Nibarishe i Bashani n’i Gileyadi+ nko mu misi ya kera.
15 «Nzobereka ibintu vy’agatangaza+nka ca gihe mwava mu gihugu ca Misiri.
16 Amahanga azobibona amaramare naho afise ububasha bwinshi+.
Bazokwifata ku munwa,amatwi yabo azibe.
17 Bazorigata umukungugu nk’inzoka+.Nka kurya kw’ibikoko vyo kw’isi vyikwega hasi, bazova mu buhungiro bwabo bajugumira.
Bazoza kuri Yehova Imana yacu bafise ubwoba,kandi bazomutinya*+.»
18 Imana imeze nkawe ni iyihe,iharira ikosa, ikirengagiza igicumuro+ c’abasigaye bo mu ntoranwa yayo+?
Ntuzogumana ishavu ibihe vyose,kuko uhimbarwa no kwerekana urukundo rudahera*+.
19 Uzokwongera kutugirira imbabazi+, utsinde* amakosa yacu.
Uzoshiburira epfo mu kiyaga ibicumuro vyabo vyose+.
20 Uzoba umwizigirwa kuri Yakobo,wereke Aburahamu urukundo rudahera*,nk’uko wabirahiye ba sogokuruza bacu kuva mu misi ya kera+.
Utujambo tw'epfo
^ Canke «umusoko w’inzabibu.»
^ Canke «yazimanganye.»
^ Canke «ivyo umutima wiwe uhahamiye.»
^ Mu giheburayo havuga ngo «bakabijishira hamwe.»
^ Canke «nzorindira nihanganye.»
^ Mu giheburayo, ijambo «umwansi» riri muri uyu murongo ryerekeza ku muntu w’igitsina-gore.
^ Hashobora kandi kuvugwa ngo «ingingo yashinzwe izoba iri kure.»
^ Ni uruzi Efurate.
^ Mu giheburayo havuga ngo «kubera ivyamwa vy’ibikorwa vyabo.»
^ Mu giheburayo havuga ngo «bazogutinya.»
^ Canke «rudahemuka.»
^ Canke «ukandagire», «uneshe.»
^ Canke «rudahemuka.»
