Kuvayo 15:1-27

  • Musa n’Abisirayeli baririmba bigina intsinzi (1-19)

  • Miriyamu aririmba yitabira (20, 21)

  • Amazi arura ahinduka ayaryoshe (22-27)

15  Ico gihe Musa n’Abisirayeli baririmbira Yehova bati+: «Reka ndirimbire Yehova, kuko ashizwe hejuru cane+. Ifarasi n’uwuyigendesha yatereye mu kiyaga+.   Yehova* ni inkomezi zanje n’ubushobozi bwanje kuko yandokoye+. Iyi ni yo Mana yanje, nanje nzoyihaya+; ni Imana ya data+, nanje nzoyishira hejuru+.   Yehova ni umurwanyi akomeye+. Yehova ni ryo zina ryiwe+.   Imikogote ya Farawo n’igisoda ciwe yatereye mu kiyaga+.Abarwanyi biwe karuhariwe badwibiye mu kiyaga Gitukura+.   Amazi asuriranya yarabapfutse; bamanutse epfo ibwina nk’ibuye+.   Ukuboko kwawe kw’ukuryo, ewe Yehova, kuri n’ububasha bukomeye+.Ukuboko kwawe kw’ukuryo, ewe Yehova, umwansi kurasavya.   Ubukuru bwawe buhebuje butuma ukubita hasi abakurwanya+.Urungika ishavu ryawe rirurumba, rikabarigata nk’umuriro urigata ivyatsi.   Impemu zo mu mazuru yawe zatumye amazi arundana.Yarahagaze nk’urugomero, atangira imipfunda y’ikiyaga.Amazi asuriranya yarafatanye nk’ibarafu hagati mu kiyaga.   Abansi bari bavuze ngo: “Tuzoboma inyuma, tubahamvye! Tuzogabura isahu gushika duhimvye! Tuzosokora inkota, amaboko yacu azobatikiza+!” 10  Wahushe impemu zawe, ikiyaga gica kirabapfuka+.Baradwibiye nk’icuma batereye mu mazi menshi. 11  Ni imana iyihe imeze nkawe ga Yehova+? Ni nde ameze nkawe, wewe werekana ko uri mweranda bihebuje+? Wewe ukwiye gutinywa no gushemezwa, wewe ukora ibitangaza+. 12  Waramvuye ukuboko kwawe kw’ukuryo, isi ica irabamira+. 13  Mu rukundo* rwawe, wayoboye abantu bawe wabohoje+.Mu nkomezi zawe, uzobajana ubashikane ahantu heranda wibera. 14  Amahanga azovyumva+ ajugumire.Ababa mu Bufilisitiya bazorengerwa n’amaganya. 15  Ico gihe abatware* bo muri Edomu bazotekerwa n’ubwoba.Abategetsi bakomeye* b’i Mowabu bazojugumira+. Ababa i Kanani bose bazokwihebura+. 16  Bazotinya, baranduke umutima+. Kubera ububasha bw’ukuboko kwawe, bazoguma badakakaza nk’ibuye,gushika abantu bawe barenganye ewe Yehova,gushika abantu witoreye+ barenganye+. 17  Uzobazana ubashire ku musozi wawe*+,ikibanza witeguriye ngo ukibemwo, ewe Yehova,ahantu heranda amaboko yawe yateguye, ewe Yehova. 18  Yehova azoganza gushika ibihe bidahera+. 19  Amafarasi ya Farawo, imikogote yiwe n’abasoda biwe barwanira ku mafarasi bagize ngo barinjira mu kiyaga+,Yehova aca abarekurirako amazi+.Abisirayeli bobo baciye kw’isi yumutse hagati mu kiyaga+ 20  Umuhanuzikazi Miriyamu, mushiki wa Aroni, aca atora akagoma. Abandi bagore bose baca baramukurikira, bagenda baravuza utugoma bongera batamba. 21  Miriyamu yaguma yitabira abagabo ati: «Ririmbira Yehova, kuko ashizwe hejuru cane+. Ifarasi n’uwuyigenderako yatereye mu kiyaga+ 22  Mu nyuma, Musa akura Abisirayeli ku kiyaga Gitukura maze baja mu bugaragwa bwa Shura. Bagira urugendo rw’imisi itatu muri ubwo bugaragwa, mugabo ntibaronka amazi. 23  Nuko bashika i Mara*+, ariko ntibashobora kunywa amazi yaho kuko yarura. Ni co gituma aho hantu yahise Mara. 24  Abantu rero batangura kwidogera Musa+, bavuga bati: «None tunywa iki?» 25  Musa aca atakambira Yehova+, Yehova na we amwereka igiti. Musa aca agiterera mu mazi, ayo mazi aca araryoha. Bakiri ng’aho, Imana ica ibashingira itegeko n’imvo yo kubacira urubanza yongera irabageza+. 26  Ivuga iti: «Nimwanyumviriza mwitonze jewe Yehova Imana yanyu, mugakora ibigororotse mu maso yanje, mukubahiriza amabwirizwa yanje kandi mukagamburuka amategeko yanje yose+, sinzobateza indwara n’imwe muri zimwe nateza Abanyamisiri+, kuko ari jewe Yehova ndabakiza+ 27  Inyuma y’ivyo bashika i Elimu, ahari amariba y’amazi 12 n’ibigazi 70. Baca bashinga amahema ng’aho iruhande y’amazi.

Utujambo tw'epfo

Mu giheburayo havuga ngo «Ya.» Ni impfunyapfunyo y’izina «Yehova.»
Canke «urukundo rudahemuka (rudahera).»
Mu giheburayo havuga ngo «abashehe.» Umushehe yari umukuru w’umuryango.
Canke «abategetsi batwaza igikenye.»
Mu giheburayo havuga ngo «ubateragire ku musozi w’intoranwa yawe.»
Iryo zina risobanura ngo «umururazi.»