Imigani 6:1-35

  • Ntiwishinge ingurane y’abandi (1-5)

  • «Genda ku kimonyo wa kinebwe we» (6-11)

  • Umuntu w’imburakimazi kandi w’umubisha (12-15)

  • Ibintu indwi bishisha Yehova (16-19)

  • Niwirinde umugore ameze nabi (20-35)

6  Mwananje, nimba warishinze ingurane ya mugenzawe+,ukishinga ingurane* y’umuntu utazi+,   nimba waguye mu mutego w’ivyo wasezeranye,ugafatwa n’amajambo y’akanwa kawe+,   ng’ibi rero ivyo ukwiye gukora mwananje kugira wirokore,kuko waguye mu maboko ya mugenzawe: genda wicishe bugufi imbere yiwe, umutakambire wivuye inyuma+.   Ntukundire amaso yawe gusinziracanke ngo wemere gutora agatiro.   Niwirokore nka kurya kw’ingeregere mu kuboko kw’umuhigi,nka kurya kw’inyoni mu kuboko kw’umuhigi w’inyoni.   Genda ku kimonyo wa kinebwe we+,witegereze uko kibayeho maze uce ubwenge.   Naho kidafise umukomanda canke umurongozi canke umutware,   kiregeranya indya zaco mu gihe c’iyimbura,kigategura ibifungurwa vyaco mu ci+.   Uzoguma wiryamiye gushika ryari ga wa kinebwe we? Uzokwikangura ryari? 10  Iryamire gatoyi, wisinzirire gatoyi,uzinge amaboko wiruhukire+ 11  maze ubukene buzokuzako nk’igisuma,amagorwa akuzeko nk’umuntu yitwaje ikirwanisho+. 12  Umuntu w’imburakimazi kandi w’umubisha aguma ayerera avuga ibinyoma+. 13  Aravunagura ingohe+, akagira ibimenyetso n’ikirenge be n’intoke. 14  Umutima wiwe urakunda ibibi.Aguma ategura imigambi mibi+, akaguma atera amahane+. 15  Ni co gituma ivyago bizomuzako giturumbuka.Azovunika mu kanya isase kandi ntazokira+. 16  Hari ibintu bitandatu bishisha Yehova,emwe, ibintu indwi bimusesema: 17  amaso yishira hejuru+, ururimi rubesha+, amaboko asesa amaraso y’intungane+, 18  umutima utegura imigambi y’ububisha+, ibirenge vyirukira ikibi, 19  icabona c’ikinyoma kiguma kibesha+hamwe n’umuntu atera amahane mu bavukana+. 20  Mwananje, niwubahirize ibwirizwa rya so wawekandi ntiwirengagize itegeko* rya nyoko wawe+. 21  Niwame ubiboheye ku mutima wawe,ubizingire mw’izosi ryawe. 22  Bizokuyobora uriko uragenda,bikurinde iyo uryamyekandi bikwigishe* iyo uvyutse. 23  Kuko ibwirizwa ari itara+,itegeko ni umuco+,kandi gukosorwa ni inzira ijana mu buzima+. 24  Bizokurinda umugore ameze nabi+,bikurinde akarimi gasosa k’umugore w’igihumbu*+. 25  Ntukipfuze ubwiza bwiwe mu mutima wawe+canke ngo ureke amaso yiwe meza agukwegakwege, 26  kuko umumaraya atuma usigara utunzwe n’akamanyu k’umukate gusa+,ariko umugore w’abandi agutwara ubuzima. 27  Mbega umuntu yorunda umuriro mu gikiriza ciwe ariko impuzu ziwe ntizishe+? 28  Canke umuntu yogendera ku makara yaka ariko ibirenge vyiwe ntibishe? 29  Ni ko bigenda no ku muntu wese asambana n’umugore w’abandi.Uwumukorako wese ntazogenda adahanywe+. 30  Abantu ntibasuzugura igisumaiyo civye kugira cimare inzara. 31  Ariko iyo gifashwe, cishura ibingana na vyo incuro indwi.Gitanga ibintu vyose vy’agaciro vyo mu nzu yaco+. 32  Uwurenga ibigo n’umugore w’abandi ntagira ubwenge*.Uwubigira aba yikwegeye guhona+. 33  Nta kindi ahakura atari inguma n’agateterwe+,kandi ibara aba yiyambitse ntirizozimangana+. 34  Ishari ni ryo rituma umugabo ashavura,kandi nta kigongwe azogira igihe azoba ariko arihora+. 35  Ntazokwemera indishi y’akababaro*.Nta ngabire n’imwe izomutururuza, naho yoba nini gute.

Utujambo tw'epfo

Mu giheburayo havuga ngo «ugahana amaboko.»
Canke «inyigisho.»
Canke «bigire ico bikubwiye.»
Mu giheburayo havuga ngo «w’umunyamahangakazi.» Raba akajambo k’epfo mu Img 2:16.
Mu giheburayo havuga ngo «ntagira umutima.»
Canke «incungu.»