Imigani 20:1-30
20 Umuvinyu utuma umuntu acokorana+, inzoga ituma atera akajagari+.Uwuzimizwa na vyo wese ntagira ubwenge*+.
2 Iterabwoba ry’umwami rimeze nk’ukuroha kw’intambwe*+.Uwumushavuza wese arahakwa kuhasiga ubuzima+.
3 Uwirinda ibihari aba yiteye iteka+,ariko abantu b’ibijuju bavyisukamwo+.
4 Ikinebwe ntikirima mu rushana.Mu gihe c’iyimbura gica gisegerereza kuko ata co kiba gifise*+.
5 Ivyiyumviro* vyo mu mutima w’umuntu bimeze nk’amazi ari kure epfo,ariko umuntu afise ugutahura arabivoma.
6 Abantu benshi barihayagiza ngo ni intahemuka,ariko umuntu w’umwizigirwa womukura hehe?
7 Umugororotsi agendera mu gutungana kwiwe+.
Hahiriwe abana* azosiga+.
8 Iyo umwami yicaye ku ntebe ngo ace imanza+,amaso yiwe nta kibi na kimwe kiyacika*+.
9 Ni nde yovuga ngo: «Naratyoroye umutima wanje+,nta gicumuro mfise+»?
10 Amabuye y’umunzane asondetse n’ingero zisondetse*,vyose birashisha Yehova+.
11 Mbere n’ibikorwa vy’umwana*birerekana ko ingeso ziwe zityoroye kandi zigororotse+.
12 Ugutwi kwumva be n’ijisho ribona,vyose ni Yehova yabikoze+.
13 Ntukunde itiro, ahandiho ubukene buzokwinjirana+.
Kanura amaso yawe, uzoheza uronke ibifungurwa* bihagije+.
14 Umuguzi avuga ngo: «Si ciza, si ciza na gato!»,ariko yamara kurengana akagenda arigamba+.
15 Hariho inzahabu, hakaba n’amabuye y’agaciro menshi yitwa korali*,ariko iminwa ivuga ivy’ubwenge irabirusha agaciro+.
16 Umuntu niyishinga ingurane y’umuntu atazi, uraca ufata impuzu yiwe+,ariko niyishinga ingurane y’umugore w’igihumbu*, uraca umwaka ingwati+.
17 Umukate ubonetse biciye ku bubeshi uraryohera umuntu,ariko mu nyuma akanwa kiwe kazokwuzura urucekeri+.
18 Iyo habaye ukuja inama* imigambi iraroranirwa*+,kandi ukwiye kurwana intambara yawe wisunze impanuro nziza*+.
19 Umubeshi* agenda aramena ibanga+.Ntukifatanye n’uwukunda kuvuga urusaku*.
20 Uwutuka* se na nyina,itara ryiwe rizozima umwijima ushitse+.
21 Intoranwa umuntu aronse mu nzira mbi,amaherezo nta muhezagiro ayikuramwo+.
22 Ntuvuge ngo: «Nzokwishura umuntu ikibi+!»
Niwizigire Yehova+, na we azogufasha+.
23 Amabuye y’umunzane asondetse* arashisha Yehova,kandi umunzane wiba si mwiza.
24 Yehova ni we ayobora intambuko z’umuntu+.None umuntu yotahura gute inzira yiwe*?
25 Umuntu aba yiteze umutego iyo yihutiye gusemerera ngo: «Ni ceranda+!»,
maze akaja gusuzuma indagano yagize mu nyuma+.
26 Umwami aciye ubwenge* aragosora ababisha+,maze akabacishako ikurudumu batonoza intete+.
27 Impemu z’umuntu ni itara rya Yehovarihishura ibiri mu mutima w’umuntu.
28 Urukundo* n’ubwizigirwa ni vyo bizigama umwami+.Urukundo rwiwe ni rwo ashigikiza intebe yiwe y’ubwami+.
29 Ubwiza bw’imisore ni inkomezi zayo+,ubwiza bw’abatama na bwo ni imvi zabo+.
30 Ibipfupfuri n’ibisebe ni vyo bikuraho* ikibi+,kandi inkoni ni zo zityorora ibiri mu mutima w’umuntu.
Utujambo tw'epfo
^ Canke «ubukerebutsi.»
^ Canke «intambwe y’umukangara ifise ivyoya kw’izosi.»
^ Hashobora kandi kuvugwa ngo «kizorondera mu gihe c’iyimbura mugabo nta co kizoronka.»
^ Canke «inama.» Mu giheburayo havuga ngo «impanuro.»
^ Mu giheburayo havuga ngo «abahungu.»
^ Canke «ayungurura ibibi vyose.»
^ Canke «amabuye abiri y’umunzane atandukanye, n’ingero zibiri zo gupimisha zitandukanye.»
^ Canke «umuhungu.»
^ Canke «umukate.»
^ Raba Insiguro y’amajambo.
^ Canke «umunyamahangakazi.»
^ Canke «uguhanuza.»
^ Canke «irakomera.»
^ Canke «wisunze uburongozi bw’ubuhanga.»
^ Canke «uwambika ibara abandi.»
^ Canke «uwuryosharyosha abandi n’iminwa yiwe.»
^ Canke «uwuvuma.»
^ Canke «amabuye abiri y’umunzane atandukanye.»
^ Canke «inzira yojana.»
^ Canke «w’inkerebutsi.»
^ Canke «urukundo rudahemuka (rudahera).»
^ Canke «binyukura.»
