Samweli wa kabiri 22:1-51
22 Aho Yehova amariye gukiza Dawidi abansi biwe bose+, akamukiza na Sawuli+, yaririmbiye Yehova+ ati:
2 «Yehova ni urutare rwanje n’igihome canje gikomeye+, kandi ni we ankiza+.
3 Imana yanje ni yo gitandara canje+ mpungirako.Ni yo nkinzo yanje+ n’ihembe* rinkiza*, ubuhungiro bwanje butekanye*+.Ni yo mpungirako+, ni yo mukiza wanje+, ni yo inkiza inkozi z’ikibi.
4 Yehova ni we nambaza kuko abereye gushemezwa,kandi azonkiza abansi banje.
5 Imipfunda y’urupfu yaguma yisuka irya n’ino yanje+.Isegenya ry’abantu b’imburakimazi ryaguma rintera ubwoba+.
6 Imigozi y’ukuzimu yari yankikuje+,imitego y’urupfu yari impanze+.
7 Nambaje Yehova mu marushwa yanje+,nguma ntabaza Imana yanje.
Iraheza yumva ijwi ryanje iri mu rusengero rwayo,ugutabaza kwanje gushika mu matwi yayo+.
8 Isi yaciye itangura kunyiganga no gutigita+,imishinge y’ijuru irajugumira+,iguma itigita kubera bari bashavuje Imana+.
9 Umwotsi utangura gufumba mu mazuru yayo,mu kanwa kayo na ho hava umuriro utema ugatongora+,hirya no hino yayo amakara arurumba akarabagiza.
10 Nuko igonda ijuru iramanuka+.Munsi y’ibirenge vyayo hari umwiza w’umuzitanya+.
11 Yaje iguruka iri ku mukerubi+,
ikaboneka iri ku mababa y’umumarayika*+.
12 Iraheza yikikuza umwiza, ibicu vy’imvura n’ibicu bizitanye+,bimera nk’ihema kuri yo.
13 Ukwakaka kw’imbere yayo kwatuma amakara arurumba.
14 Maze Yehova atangura guturagara ari mw’ijuru+,ijwi rya Musumbavyose rirumvikana+.
15 Arasa imyampi yiwe+, abansi banje barashwiragira.Arungika imiravyo yiwe maze barahungabana+.
16 Mu nda y’ikiyaga hatangura kuboneka+,imishinge y’isi ija ahabona kubera ugukankama kwa Yehova,kubera uguhuhuta kw’impemu zo mu mazuru yiwe+.
17 Yatumye ukuboko ari iyo hejuru,aramfata ankura mu mazi y’ibenga+.
18 Yarankijije umwansi wanje akomeye+,ankiza abanyanka kandi bandusha inkomezi.
19 Barandwanije igihe nari mu vyago+,ariko Yehova yaranshigikiye.
20 Yanjanye ahantu hatagira inkomanzi*+,arankiza kubera anshima+.
21 Yehova ampemba yisunze ubugororotsi bwanje+,akanyishura ivyiza kuko amaboko yanje ata kibi yakoze*+.
22 Nagumye ngendera mu nzira za Yehova,sinakora ikibi co guheba Imana yanje.
23 Ingingo zose+ yashinze ndazamiza ku muzirikanyi.Amategeko yayo sinzoyaca ku ruhande+.
24 Nzoguma ndi intungane*+ imbere yayo,nirinde gukora amakosa+.
25 Yehova nanyishure ivyiza yisunze ubugororotsi bwanje+,yisunze ukuntu amaboko yanje ata kibi yakoze imbere yiwe+.
26 Ntiwigera uhemukira intahemuka+,kandi umuntu w’intungane umubera intungane+.
27 Uwuguma adahumanye umubera uwudahumanye+,ariko uwugoramye umwereka ko uri umunyabwenge*+.
28 Kuko ukiza abicisha bugufi+,ariko abishira hejuru ukabaraba igitsure, ukabashira hasi+.
29 Ewe Yehova, uri itara ryanje+.Yehova ni we atuma umwiza unkikuje uhinduka umuco+.
30 Ni wewe unshoboza gutera akagwi k’abambuzi.Inkomezi z’Imana yanje ni zo zinshoboza kwurira uruzitiro+.
31 Ivyo Imana y’ukuri ikora vyose biratunganye+.Ijambo rya Yehova riratyoroye+.
Abera inkinzo abamuhungirako bose+.
32 None hari iyindi Mana iriho atari Yehova+?
Hari ikindi gitandara kiriho atari Imana yacu+?
33 Imana y’ukuri ni yo buhungiro bwanje bukomeye+,kandi ni yo igorora inzira yanje+.
34 Ituma ibirenge vyanje binyaruka nk’ivy’impongokazi,ikamfasha guhagarara ahantu hahanamye+.
35 Yigisha ibiganza vyanje kurwana intambara.Amaboko yanje agonda umuheto w’umujumpu.
36 Umpa inkinzo yawe y’ubukiriro.Ukwicisha bugufi kwawe gutuma mba uwuhambaye+.
37 Wagura inzira ncamwo,kugira ngo ibirenge* vyanje ntibinyerere+.
38 Nzokurikirana abansi banje ndabazimanganye.Nzogaruka ari uko ndabahoneje.
39 Nzobahonya ndabasye, ntibasubire kuvyura umutwe+.Bazogwa munsi y’ibirenge vyanje.
40 Uzompa inkomezi zo kurwana urugamba+,utume abansi banje bagwa imbere yanje+.
41 Uzotuma abansi banje bampunga*+,kandi nzoherengeteza* abanyanka+.
42 Baratabaza ariko ntibaronke uwubakiza,bagatabaza na Yehova ariko ntagende abishuye+.
43 Nzobahonda banoge nk’umukungugu wo hasi.Nzobasya ndabahonyange nk’urwondo rwo mw’ibarabara.
44 Uzonkiza abantora amahinyu mw’ihanga ryacu+.
Uzonkingira kugira mbe umukuru w’amahanga+.Abantu ntari nzi bazonkorera+.
45 Abanyamahanga bazoza imbere yanje bahinda agashitsi+.Ivyo bazokwumva ku binyerekeye bizotuma bangamburukira*.
46 Abanyamahanga bazocika intege*,bave mu buhungiro bwabo bajugumira.
47 Yehova ni muzima! Nashemezwe we Gitandara canje+!
Imana yo gitandara kinkiza nishirwe hejuru+!
48 Imana y’ukuri ni yo isubiriza mu nkoko abansi banje+,igatuma nganza amahanga+.
49 Ni yo inkiza abansi banje.
Mana yanje, ni wewe unduza+ ukantwara kure y’abandwanya,ukankiza umuntu akora ivy’ububisha+.
50 Ni co gituma nzogukengurukira mu mahanga, ewe Yehova+!Nzoririmbira amashemezo* izina ryawe+.
51 Akiza umwami wiwe mu buryo bukomeye*+,akagirira ubuntu* uwo yarobanuje amavuta*.Dawidi n’uruvyaro* rwiwe abagirira ubuntu ibihe bidahera+.»
Utujambo tw'epfo
^ Raba Insiguro y’amajambo.
^ Canke «n’umukiza wanje akomeye.»
^ Canke «ahantu hanje hataramutse hatekanye.»
^ Canke «y’umuyaga.»
^ Canke «ahantu hagutse.»
^ Mu giheburayo havuga ngo «adahumanye.»
^ Canke «ntagirako umugayo.»
^ Hashobora kandi kuvugwa ngo «umukorera nk’ivy’umuntu atagira ubwenge.»
^ Canke «amaso y’ibirenge.»
^ Canke «uzompa igikanu c’abansi banje.»
^ Mu giheburayo havuga ngo «nzonumya.»
^ Mu giheburayo havuga ngo «ugutwi nikwumva bazongamburukira.»
^ Canke «bazoyama.»
^ Canke «nzocurarangira.»
^ Canke «aha umwami wiwe intsinzi zikomeye.»
^ Canke «yereka urukundo rudahemuka (rudahera).»
^ Raba Insiguro y’amajambo (Kurobanura).
^ Mu giheburayo havuga ngo «urubuto.»
