Zaburi 98:1-9
Agahibongozo.
98 Ririmbire Yehova ururirimbo rushasha+,Kuko ivyo yakoze ari agatangaza+.Ukuryo kwiwe, mbere ukuboko kwiwe kweranda, kwamuronkeje ubukiriro+.
2 Yehova yamenyesheje ubukiriro bwiwe+;Yahishuye ubugororotsi bwiwe mu maso y’amahanga+.
3 Yibutse ubuntu bwuzuye urukundo bwiwe n’ubwizigirwa bwiwe ku bw’inzu ya Isirayeli+.Impera zose z’isi zibonye ubukiriro Imana yacu itanga+.
4 Nimwihe akaruru k’intsinzi mukerekeza kuri Yehova, yemwe abo kw’isi mwese+!Nimugire akamwemwe, mwihe akamo k’umunezero, muhibongoze+.
5 Nimuhibongoreze Yehova mukoresheje inanga+,Mukoresheje inanga be n’ijwi ry’agahibongozo+.
6 Mukoresheje inzumbete be n’ijwi ry’inzamba+,Mwihe akaruru k’intsinzi imbere y’Umwami, Yehova.
7 Ikiyaga nigituragare be n’ibicuzuye+,Ubutaka bwimbuka n’ababubako+.
8 Inzuzi nizikome amashi;Imisozi, yose hamwe, niyihe akamo k’umunezero+
9 Imbere ya Yehova, kuko aje gucira imanza isi+.Azocira imanza ubutaka bwimbuka akoresheje ubugororotsi+,N’ibisata vy’abantu, akoresheje ukugororoka+.
