Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 92:1-15

Agahibongozo, ururirimbo, ku bw’umusi w’isabato. 92  Ni vyiza gukengurukira Yehova+ No guhibongoreza izina ryawe, ewe Musumbavyose+!   Ni vyiza gutangaza mu gitondo ubuntu bwuzuye urukundo bwawe+ N’ubwizigirwa bwawe mu majoro+,   Ku gicurarangisho c’imirya cumi no ku gitari+, Mu muziki usamirana ku nanga+.   Kuko watumye nezerwa, ewe Yehova, kubera igikorwa cawe; Kubera ibikorwa vy’amaboko yawe, ndiha akamo k’umunezero+.   Ese ukuntu ibikorwa vyawe bihambaye, Yehova we+! Ivyiyumviro vyawe birimbitse rwose+.   Nta muntu w’imburabwenge yobimenya+, Kandi nta kijuju cobitahura+.   Iyo ababisha banaze nk’ivyatsi+, N’abakora ibibabaza bose bagashurika, Ni ukugira ngo bazimanganywe buhere+.   Mugabo wewe uri iyo hejuru gushika igihe kitagira urugero, ewe Yehova+!   Kuko, ehe abansi bawe, ewe Yehova+, Kuko, ehe abansi bawe bazoyogera+; Abakora ibibabaza bose bazotandukanywa+. 10  Mugabo uzoshira hejuru ihembe ryanje nka rirya ry’ishūri y’inyeshamba+; Nzokwibombekesha amavuta mashasha+. 11  Ijisho ryanje rizokwitegereza abansi banje+; Amatwi yanje azokwumva ivy’abampagurukira, inkozi z’ikibi. 12  Umugororotsi azoshurika nk’ikigazi+; Azokura nk’isederi ry’i Libani+. 13  Ababaditswe mu nzu ya Yehova+, Mu bigo vy’Imana yacu+, bazoshurika. 14  Bazoba bagitagarara no mu gihe bazoba bari n’imvi ku mutwe+, Bazoguma badoshe, batotahaye+, 15  Kugira batangaze ko Yehova agororotse+. Ni we Gitandara canje+, atagiramwo ibitagororotse+.

Amakuru yiyongereye