Zaburi 89:1-52
Masikili. Ni izaburi ya Etani Umwezerahi+.
89 Ivyo Yehova yerekaniramwo ubuntu bwuzuye urukundo, nzobiririmba mbere gushika igihe kitagira urugero+.Uko iyaruka rikurikira irindi, nzomenyesha ubwizigirwa bwawe n’akanwa kanje+.
2 Kuko navuze nti: “Ubuntu bwuzuye urukundo buzoguma bwubatswe mbere gushika igihe kitagira urugero+;Nayo amajuru, uguma ushimangiye ubwizigirwa bwawe muri yo+.”
3 “Nagize isezerano ku bijanye n’uwo natoye+;Narahiye Dawidi umusavyi wanje+ nti:
4 ‘Nzoshimangira uruvyaro rwawe mbere gushika igihe kitagira urugero+,Kandi nzokwubaka intebe yawe y’ubwami+ iyaruka ku rindi.’” Sela.
5 Amajuru azohaya igikorwa cawe gitangaje, ewe Yehova+,Egome, ubwizigirwa bwawe mw’ishengero ry’aberanda.
6 Kuko, ni nde mu majuru yogereranywa na Yehova+?Ni nde yosa na Yehova mu bana b’Imana+?
7 Imana ni iyo kwumvirwa akoba mu mugwi w’abagenzi somambike w’aberanda+;Irahambaye kandi iteye ubwoba ku bayikikuje bose+.
8 Ewe Yehova Mana nyen’ingabo+,Ni nde yuzuye ingoga nkawe ga Ya*+?Ubwizigirwa bwawe bukwiye irya n’ino yawe+.
9 Uganza ukwisevya kw’ikiyaga+;Iyo kidugije imipfunda yaco, ni wewe uyitururuza+.
10 Ni wewe wajanjaguye Rahabu+, mbere nk’uwishwe+.Biciye ku kuboko kw’inkomezi zawe, washwiragije abansi bawe+.
11 Ijuru ni rwawe+, n’isi nyene ni rwawe+;Ubutaka bwimbuka n’ibibwuzuye+, ni wewe wabishinze+.
12 Uburaruko n’ubumanuko, ni wewe wabiremye+;Tabori+ na Herumoni+, mw’izina ryawe biriha akamo k’umunezero+.
13 Ukuboko kw’ubushobozi ni rwawe+;Ukuboko kwawe kurakomeye+,Ukuryo kwawe gushizwe hejuru+.
14 Ubugororotsi be n’ubutungane ni vyo kibanza gishimangiye c’intebe yawe y’ubwami+;Ubuntu bwuzuye urukundo be n’ukuri biraza imbere yawe+.
15 Hahiriwe abantu bazi akaruru k’umunezero ico ari co+.Ewe Yehova, mu muco wo mu maso hawe ni ho baguma bagendera+.
16 Mw’izina ryawe baranezerwa bukarinda bwira+,Kandi mu bugororotsi bwawe barashirwa hejuru+.
17 Kuko ari wewe bwiza bw’inkomezi zabo+;Kandi kubera ubutoni bwawe, ihembe ryacu rirashirwa hejuru+.
18 Kuko inkinzo yacu ari iya Yehova+,N’umwami wacu akaba ari uwa wa Mweranda wa Isirayeli+.
19 Ico gihe wavuganye n’intahemuka zawe mw’iyerekwa+,Uti:“Natabaye umunyenkomezi+;Nashize hejuru umuntu yatowe mu bantu+.
20 Nabonye Dawidi umusavyi wanje+;Namurobanuje amavuta yanje meranda+,
21 Uwo ukuboko kwanje kuzoshikama kumwe na we+,Uwo kandi ukuboko kwanje kuzokomeza+.
22 Nta mwansi azomuhohotera+,Eka nta mwana w’ukutagororoka azomuteza amarushwa+.
23 Najanjaguye abarwanizi biwe ndabakura imbere yiwe+;Nagumye nkubitagura abamwanka urunuka+.
24 Ubwizigirwa bwanje n’ubuntu bwuzuye urukundo bwanje biri kumwe na we+,Kandi mw’izina ryanje ihembe ryiwe rirashirwa hejuru+.
25 Nashize ukuboko kwiwe ku kiyaga+,Ukuryo kwiwe na kwo ku nzuzi+.
26 We ubwiwe arasemerera antabaza, ati: ‘Uri Data+,Imana yanje+ n’Igitandara c’ubukiriro bwanje+.’
27 Vyongeye, jewe nzomugira imfura+,Uwusumba abami bo mw’isi+.
28 Nzozigama ubuntu bwuzuye urukundo bwanje kuri we gushika igihe kitagira urugero+,Kandi isezerano ryanje rizoba iryizigirwa kuri we+.
29 Kandi ata gukeka nzoshinga uruvyaro rwiwe ibihe bidahera+,Intebe yiwe y’ubwami na yo ndayishinge nk’imisi y’ijuru+.
30 Abana biwe nibaheba itegeko ryanje+,Ntibagendere mu ngingo zanje z’ubutungane+,
31 Nibahumanya ivyagezwe vyanje,Ntibagumye amabwirizwa yanje,
32 Nanje nzotegerezwa kwitaho ikigabitanyo cabo nkoresheje inkoni+,Niteho ikosa ryabo mu kubakubita+.
33 Mugabo ubuntu bwuzuye urukundo bwanje sinzobumukurako+,Canke ngo mpemuke ku bwizigirwa bwanje+.
34 Sinzohumanya isezerano ryanje+,Kandi ijambo riva mu minwa yanje sinzorihindura+.
35 Nararahiye rimwe mu bweranda bwanje+,Sinzobesha Dawidi+.
36 Uruvyaro rwiwe ruzokwamaho mbere gushika igihe kitagira urugero+,Intebe yiwe y’ubwami na yo nk’izuba imbere yanje+.
37 Nka kurya kw’ukwezi, izoshimangirwa igihe kitagira urugero,Mbere nk’icabona cizigirwa mu birere.” Sela.
38 Mugabo wewe, warashibuye kandi uguma ukengera+;Wararakiye uwo warobanuje amavuta+.
39 Wiyamye isezerano ry’umusavyi wawe;Wahumanije umugāra wiwe gushika hasi+.
40 Wasenyuye ingo z’ibitungwa ziwe zose zubakishijwe amabuye+;Ibihome vyiwe wabigize ibisenyagurike+.
41 Abahita ku nzira bose baramusahuye+;Yacitse iceyi ku babanyi biwe+.
42 Washize hejuru ukuryo kw’abarwanizi biwe+;Watumye abansi biwe bose banezerwa+.
43 Mbere, inkota yiwe urasubira ukayifata nk’umwansi+,Kandi watumye atagenda aratsinda mu rugamba+.
44 Watumye ataba agica ibibatsi+,Intebe yiwe y’ubwami na yo uyiraririza hasi+.
45 Imisi y’ubuto bwiwe wayigize migufi;Wamutwikiriye ibimaramare+. Sela.
46 Uzogeza ryari ga Yehova kuguma wihishije? Igihe cose+?Mbega ubushangashirwe bwawe buzoguma bururumba nk’umuriro+?
47 Ibuka ikiringo ubuzima bwanje bumara uko kireha+.Mbega waremeye ubusa gusa abana b’abantu bose+?
48 Ni nde muntu w’umugabo muzima atazobona urupfu+?Mbega yokiza ubuzima bwiwe ukuboko kw’ukuzimu+? Sela.
49 Ibikorwa vy’ubuntu bwuzuye urukundo vyawe vya kera biri hehe ga Yehova,Ivyo warahiye Dawidi mu bwizigirwa bwawe+?
50 Ewe Yehova, ibuka iceyi kiri ku basavyi bawe+,Ingene ntwara mu gikiriza iceyi c’ibisata vy’abantu vyinshi vyose+,
51 Ingene abansi bawe basize iceyi, ewe Yehova+,Ingene basize iceyi amakanda y’uwo warobanuje amavuta+.
52 Yehova nahezagirwe gushika igihe kitagira urugero. Amen kandi Amen+.
Utujambo tw'epfo
^ “Ya” ni impfunyapfunyo y’izina “Yehova.”
