Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 85:1-13

Ku muyobozi. Ni izaburi ya bene Kora. Agahibongozo. 85  Wahimbawe n’igihugu cawe, ewe Yehova+! Wagarukanye abajanywe ari imbohe ba Yakobo+.   Wahariye ikosa ry’abantu bawe+; Wapfutse igicumuro cabo cose+. Sela.   Wacungereye uburake bwawe bwose+; Warahindukiye ureka ishavu ryawe rirurumba+.   Tugarukane, ewe Mana y’ubukiriro bwacu+, Ureke umwikomo udufitiye+.   Mbega uzotururumbira ishavu gushika igihe kitagira urugero+? Mbega uzorehūra ishavu ryawe iyaruka ku rindi+?   Mbega wewe ubwawe ntuzokwongera kutugira bazima+, Kugira ngo abantu bawe banezerwe muri wewe+?   Ewe Yehova, twereke ubuntu bwuzuye urukundo bwawe+, Uduhe ubukiriro bwawe+.   Nzokwumva ico Imana y’ukuri Yehova izovuga+, Kuko izoyaga amahoro ku bantu bayo+ no ku ntahemuka zayo, Mugabo ntibasubire kwiyizigira+.   Ni ukuri, ubukiriro bwayo buri hafi y’abayitinya+, Kugira ngo ubuninahazwa bube mu gihugu cacu+. 10  Nayo ubuntu bwuzuye urukundo be n’ukuri, vyarahuye+; Ubugororotsi n’amahoro, vyarasomanye+. 11  Ukuri kuzonaga kuvuye mw’isi+, Kandi ubugororotsi buzoraba hasi buri mu majuru+. 12  Vyongeye, Yehova na we azotanga iciza+, Kandi igihugu cacu kizotanga umwimbu waco+. 13  Imbere yiwe ubugororotsi buzotambuka+, Bucishe inzira intambuko ziwe+.

Amakuru yiyongereye