Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 79:1-13

Agahibongozo ka Asafu. 79  Ewe Mana, amahanga yinjiye mu ntoranwa yawe+;Yahumanije urusengero rwawe rweranda+;Yagize Yeruzalemu ikirundo c’ibihomvagurike+.   Yatanze umuvyimba w’abasavyi bawe ngo ube indya z’ibiguruka vyo mu kirere+,Inyama z’intahemuka zawe aziha ibikoko vyo kw’isi+.   Yasheshe amaraso yabo nk’amaziIrya n’ino ya Yeruzalemu, kandi nta wo kubahamba ariho+.   Twacitse iceyi ku babanyi bacu+,Agatwengo n’akamenyo ku badukikuje+.   Uzogeza ryari ga Yehova kururumba ishavu? Ibihe bidahera+?Ishaka ryawe rizogeza ryari kwaka nk’umuriro+?   Suka ubushangashirwe bwawe ku mahanga atakumenye+,No ku bwami butambaje izina ryawe+.   Kuko bamirāje Yakobo+,Bagatuma ahantu aba hacika umusaka+.   Ntiwibuke amakosa ya ba sogokuruza bacu ngo uyaduhore+.Nyaruka! Imbabazi zawe nizidusanganire+,Kuko dusigaye twifumbereje bimwe bibi+.   Dutabare, ewe Mana y’ubukiriro bwacu+,Ku bw’ubuninahazwa bw’izina ryawe+;Turokore, upfuke ibicumuro vyacu kubera izina ryawe+. 10  Kuki amahanga yovuga ngo: “Imana yabo iri hehe+?”Uguhōra amaraso y’abasavyi bawe yasheshwe+Nikumenyekane mu mahanga mu maso yacu+. 11  Ukuniha kw’imbohe nigushike n’imbere yawe+!Nk’uko ubukuru bw’ukuboko kwawe buri, nuzigame abagenewe urupfu+. 12  Niwishure ababanyi bacu incuro indwi mu gikiriza cabo+Iceyi bagusize, ewe Yehova+! 13  Nayo twebwe abantu bawe n’umukuku wo mu buragiriro bwawe+,Tuzogukengurukira gushika igihe kitagira urugero;Kuva kw’iyaruka uja ku rindi, tuzomenyesha ishemezo ryawe+.

Amakuru yiyongereye