Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 78:1-72

Masikili. Ni izaburi ya Asafu+. 78  Nimwumvirize itegeko ryanje, emwe bantu banje+!Nimutege ugutwi amajambo y’akanwa kanje+.   Ngira nteranure akanwa kanje mvugire mu mvugo y’akagani+;Ngira ntume udupfindo twa kera tududubiza+,   Utwo twumvise kandi tuzi+,Utwo kandi ba data batwiganiye+;   Utwo tutanyegeza abana babo+,Tukatwiganira n’iyaruka rizoza+,Tukavuga amashemezo ya Yehova n’inkomezi ziwe+Be n’ibintu vyiwe vy’agatangaza yakoze+.   Ahagurutsa icibutsa muri Yakobo+,Ashinga itegeko muri Isirayeli+,Ibintu yategetse ba sogokuruza bacu+,Ngo bimenyeshwe abana babo+;   Kugira ngo iyaruka ryoje, ari bo bana bari kuvuka, ribimenye+,Bahaguruke, bavyiganire abana babo+,   Kandi bashire umwizero wabo mu Mana ubwayo+,Ntibibagire ibikorwa Imana yakoze+, ahubwo bubahirize amabwirizwa yayo+.   Kandi ntibari bakwiye gucika nka ba sekuruza babo+,Iyaruka ry’akagagazo kandi ry’irigarariji+,Iyaruka ry’abatari barateguye umutima wabo+,Kandi umutima wabo ntube umwizigirwa ku Mana+.   Bene Efurayimu, naho bari abarasisha umuheto bafise ibirwanisho+,Barasubije umugongo inyuma ku musi w’indwano+. 10  Ntibagumije isezerano ry’Imana+,Banse kugendera mw’itegeko ryayo+. 11  Batanguye kandi kwibagira ivyo ikora+Be n’ibikorwa vyayo vy’agatangaza yaberetse+. 12  Mu maso ya ba sekuruza babo, yari yakoze ibitangaje+Mu gihugu ca Misiri+, ka karere ka Zowani+. 13  Yasatuye ikiyaga ngo itume barengana+,Yongera ituma amazi ahagarara nk’urugomero+. 14  Ibandanya kubayobora ikoresheje igicu ku murango+,Ijoro ryose na ho ikoresheje umuco w’umuriro+. 15  Isatura ibitandara mu gahinga+,Kugira ngo itume banywa amazi menshi nk’inyenga z’amazi+. 16  Ikūra imigezi mu rutare+,Ituma amazi amanuka nk’inzuzi+. 17  Mugabo baguma barushiriza kuyicumurako+Mu kugarariza Musumbavyose mu karere kagadutse+; 18  Bageza Imana mu mutima wabo+Mu kwisabira ico kurya+. 19  Nuko batangura kuvuga nabi Imana+.Ngo “Mbega Imana irashobora gutunganya imeza mu gahinga+?” 20  Ehe! Yakubise igitandara+Ngo amazi atembe, n’inzuzi z’isumo zisegenyuke+.“Mbega irashobora no gutanga umukate+,Canke irashobora gutegurira abantu bayo ivyo kurya+?” 21  Ni co catumye Yehova yumva, agatangura kuraka+;Umuriro wakirizwa Yakobo+,N’ishavu ridugira Isirayeli+. 22  Kuko batizeye Imana+,Ntibizigira ubukiriro itanga+. 23  Maze itegeka ibirere vyuzuye ibicu hejuru,Yugurura imiryango y’ijuru+. 24  Iguma igwisha kuri bo manu* ngo barye+,Ibaha intete zo mw’ijuru+. 25  Abantu barya umukate w’abanyabubasha+;Ibarungikira ibifungurwa, barahaga+. 26  Itangura gutuma umuyaga wo mu buseruko waduka mu majuru+,No gutuma umuyaga wo mu bumanuko uhuhuta biciye ku nkomezi zayo+. 27  Iraheza ituma ivyo kurya bigwa kuri bo nk’umukungugu+,Egome, ibiremwa biguruka vy’amababa bigwa kuri bo nk’udutete tw’umusenyi tw’ibiyaga+. 28  Iguma ibigwisha hagati mw’ikambi ryayo+,Irya n’ino y’amataberenakulo yayo+. 29  Baraheza bararya barahaga cane+,Ivyo bipfuza irabibazanira+. 30  Batarava ku cipfuzo cabo,Ibifungurwa vyabo bikiri mu kanwa kabo+, 31  Uburake bw’Imana burabadugira+.Nuko yica bamwe mu bantu babo b’indyamunyu+;Itsinda hasi abasore ba Isirayeli. 32  Naho habaye ivyo vyose, bongera gucumura+Ntibizera ibikorwa vyayo vy’agatangaza+. 33  Nuko irangiza imisi yabo nk’aho ari impemu nsa zisohotse+,Imarisha imyaka yabo uruhagarara. 34  Igihe cose yabica, ni ko na bo babaza ivyayo+,Bakagaruka, bakarondera Imana+. 35  Batangura kwibuka yuko Imana yari yo Gitandara cabo+,Be n’uko Imana Musumbavyose yari yo Muhōzi wabo+. 36  Bagerageza kuyihenda n’akanwa kabo+;Bagerageza kuyibesha n’ururimi rwabo+. 37  Umutima wabo ntiwari uhamye kuri yo+;Kandi ntibabaye abizigirwa mw’isezerano ryayo+. 38  Mugabo yari inyembabazi+; yarapfuka ikosa+, ntihonye+.Kenshi yarasubiza inyuma ishavu ryayo+,Kandi ntiyavyura ubushangashirwe bwayo bwose. 39  Yaguma yibuka ko bari umubiri+,Yuko impwemu isohoka ntigaruke+. 40  Ese ukuntu bayigarariza kenshi mu gahinga+,Bakayibabariza mu bugaragwa+! 41  Kandi incuro n’izindi barageza Imana+,Bagatuntuza Umweranda wa Isirayeli+. 42  Ntibibuka ukuboko kwayo+,Wa musi yabacungura ikabakiza umurwanizi+, 43  Ingene yashize ibimenyetso vyayo mu Misiri+N’ibitangaro vyayo mu karere ka Zowani+; 44  N’ingene yatanguye guhindura amaraso imigende yabo ya Nili+,Ku buryo badashobora kunywa ku migezi yabo+. 45  Ibarungikako ibibugu, ngo bibarigate+,N’ibikere, ngo bibahonye+. 46  Itangura guha inyenzi umwimbu wabo,Ubucumukure bwabo ibuha inzige+. 47  Yicisha umuzabibu wabo urubura+,Ibiti vyabo vy’imisukomora ivyicisha iminana y’urubura+. 48  Ibitwazi vyabo ibihereza urubura+,Ibitungwa vyabo ibihereza inyonko irurumba. 49  Ibarungikako ishavu ryayo rirurumba+,Uburake n’imisibo n’amarushwa+,Imigwi y’intumwa y’abamarayika izana ivyago+. 50  Itegurira ishavu ryayo umunyuro+.Ntiyabarinze urupfu;Ubuzima bwabo yabuhereje ikiza+. 51  Amaherezo iririka imfura zose mu Misiri+,Ubuzibūra bwabo*, mu mahema ya Hamu+. 52  Mu nyuma ituma abantu bayo bafata inzira nk’umukuku+,Ibarongōra nk’ubusho mu gahinga+. 53  Iguma ibayobora mu mutekano, ntibumva ubwoba namba+;Ikiyaga gipfuka abansi babo+. 54  Ibazana mu cibare cayo ceranda+,Aka karere k’imisozi ukuryo kwayo kwironkeje+. 55  Kandi kubera bo, igenda irirukana amahanga+,Ibagabagurira intoranwa ikoresheje ikamba yo gupimisha+,Ku buryo ituma imiryango ya Isirayeli yibera mu mihana yayo bwite+. 56  Mugabo batangura kugeza no kugarariza Imana Musumbavyose+,Ntibagumya ivyibutsa vyayo+. 57  Vyongeye, baguma basubira inyuma kandi bahemuka nka ba sekuruza babo+;Bahindukira nk’umuheto ufororotse+. 58  Baguma bayibabarisha ibibanza vyabo bikirurutse*+,Baguma bayitera ishari n’ibishusho vyabo bibajwe+. 59  Imana irumva+, iraraka+,Bituma ikengera Isirayeli bimwe bibi+. 60  Amaherezo iheba itaberenakulo y’i Shilo+,Ihema yabayemwo hagati mu bantu bakuwe mw’ivu+. 61  Itanga inkomezi zayo ngo zigirwe imbohe+,Ubwiza bwayo ibutanga mu kuboko kw’umurwanizi+. 62  Iguma itanga abantu bayo ku nkota+,Irarakira intoranwa yayo+. 63  Abasore bayo umuriro urarigata,Abigeme bayo b’isugi ntibashemagizwa+. 64  Nayo abaherezi bayo, bagwishwa n’inkota+,Abapfakazi babo na bo ntibarira+. 65  Maze Yehova yikangura nk’uwuvuye mw’itiro+,Nk’umunyenkomezi umuvinyu uvuyeko+. 66  Aririka abarwanizi biwe ari inyuma yabo+;Abaha kugira iceyi c’ikiringo kitagira urugero+. 67  Ata ihema rya Yozefu+;Ntiyatora umuryango wa Efurayimu+. 68  Mugabo atora umuryango wa Yuda+,Umusozi Siyoni, uwo yakunze+. 69  Atangura kwubaka aheranda hiwe nk’amasonga y’imisozi+,Nk’isi yashinze ngo igumeho gushika igihe kitagira urugero+. 70  Nuko atora Dawidi umusavyi wiwe+,Amukura mu ngo z’imikuku+. 71  Amukura inyuma y’imvyeyi zonsa+,Amuzana ngo abe umwungere kuri Yakobo igisata ciwe+,No kuri Isirayeli intoranwa yiwe+. 72  Atangura kubaragira nk’uko ugutungana kw’umutima wiwe kuri+,Atangura kubayobora akoresheje ubuhanga bw’amaboko yiwe+.

Amakuru yiyongereye

Raba Inyongera ya 21.
Ijambo ku rindi ni “Intango y’ububasha bwabo bwo kurondoka.”
Raba Inyongera ya 21.