Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 76:1-12

Ku muyobozi, ku bicurarangisho vy’imirya. Agahibongozo. Ni izaburi ya Asafu+. Ururirimbo. 76  Imana irazwi muri Yuda+; Muri Isirayeli izina ryayo rirakomeye+.   Ubwikingo bwayo buri i Salemu+, Aho iba na ho hakaba i Siyoni+.   Aho ni ho yavuniye imyampi y’umuheto yaka umuriro+, Inkinzo n’inkota be n’urugamba+. Sela.   Utwikiriwe n’umuco, ukaba uri agakomeye kuruta imisozi y’ibicakirwa+.   Abari n’umutima urinduka banyazwe+, Bahunyije batwarwa n’itiro+, Kandi mu bagabo b’intwari bose nta n’umwe yaronse inguvu zo kunana+.   Bivuye ku guhambara kwawe, ewe Mana ya Yakobo, uwutwara umukogote be n’ifarasi vyasinziriye ubutikoma+.   Wewe, urateye ubwoba+, Kandi ni nde yohagarara imbere yawe ngo arinde inkomezi z’ishavu ryawe+?   Wumvikanishije imburano uri mw’ijuru+; Isi ubwayo yaratinye, iratekereza+   Igihe Imana yahaguruka ku bw’urubanza+, Ngo ikize abatekereza bose bo kw’isi+. Sela. 10  Kuko ubushangashirwe bw’umuntu buzoguhaya+; Ubushangashirwe busigaye uzobukenyera. 11  Nimuraganire indagano Yehova Imana yanyu kandi muzishitse, mwese abamukikije+. Nibamuzanire ituro, batinya+. 12  Azocisha bugufi umutima w’indongozi+; Arateye ubwoba ku bami bo mw’isi+.

Amakuru yiyongereye