Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 74:1-23

Masikili. Ni izaburi ya Asafu+. 74  Kubera iki ga Mana wadushibuye ibihe bidahera+? Kubera iki ishavu ryawe riguma rifumbukira umukuku wo mu buragiriro bwawe+?   Ibuka ikoraniro ryawe wironkeje kera+, Wa muryango wacungura ngo ube intoranwa yawe+, Uyu musozi Siyoni ubayemwo+.   Tera intambwe uje ahagizwe imisaka y’igihe kirekire+. Ibintu vyose vy’ahantu heranda umwansi yabifashe nabi+.   Abakwanka baroheye hagati mu kibanza cawe c’ihuriro+. Bishiriyeho ibimenyetso vyabo nka vyo bimenyetso+.   Umuntu azwi nabi yuko ameze nk’urya abangura amashoka ngo ateme igisaka c’inzitane c’ibiti.   None ubu udusaruro twaho, twose hamwe, badukubita incabiti n’ibiti bikwikiyeko icuma+.   Batereye mu muriro aheranda hawe+. Bahumanije itaberenakulo y’izina ryawe gushika hasi+.   Abo, mbere uruvyaro rwabo, bavugiye hamwe mu mutima wabo ngo: “Ibibanza vy’ihuriro vy’Imana vyose bitegerezwa guturirwa mu gihugu+.”   Ibimenyetso vyacu nta vyo twabonye; nta muhanuzi akiriho+, Kandi nta n’umwe muri twebwe azi igihe bizomara. 10  Ewe Mana, umurwanizi azoguma agusiga iceyi kugeza ryari+? Mbega umwansi azoguma agaya izina ryawe ibihe bidahera+? 11  Kubera iki ukuboko kwawe, mbere ukuryo kwawe, uguma ugusokoye+ Ugukuye hagati mu gikiriza cawe kugira ngo utumare? 12  Yamara Imana ni yo Mwami wanje kuva kera+, Umwe ashitsa ubukiriro buhambaye hagati mw’isi+. 13  Wewe ubwawe wasebagije ikiyaga n’inkomezi zawe+; Wamenaguye imitwe y’ibikoko amahero vyo mu biyaga, mu mazi+. 14  Wewe ubwawe wajanjaguye imitwe ya Lewiyatani+. Wagihaye abantu ngo kibabere ibifungurwa, ugiha ababa mu turere tugadutse+. 15  Ni wewe wasatuye imbizi be n’uruzi rw’isumo+; Ni wewe wakamije inzuzi zama zitemba+. 16  Umurango ni uwawe; n’ijoro ni iryawe+. Ni wewe wateguye ca gitangamuco, ari ryo zuba+. 17  Ni wewe washinze imbibe zose z’isi+; Ici n’urushana, ni wewe ubwawe wabishizeho+. 18  Ibuka ibi: Umwansi yagusize iceyi, ewe Yehova+, Kandi igisata c’abantu c’imburabwenge cagaye izina ryawe+. 19  Ntuhe igikoko intunguru yawe+. Ntiwibagire ubuzima bw’abarushwa bawe ibihe bidahera+. 20  Niwitegereze rya sezerano+, Kuko ahantu h’umwiza ho kw’isi hasigaye huzuye indaro z’ubukazi+. 21  Ese uwajanjaguwe atogaruka ateterewe+. Umurushwa be n’umworo nibashemeze izina ryawe+. 22  Haguruka, Mana we, uhagarikire imburano zawe+. Ibuka iceyi usigwa n’imburabwenge bukarinda bwira+. 23  Ntiwibagire ijwi ry’abakwanka+. Urwamo rw’abagukurira hasi ruguma ruduga+.

Amakuru yiyongereye