Zaburi 70:1-5
Ku muyobozi. Ni izaburi ya Dawidi yo kwibutsa+.
70 Ewe Mana, nyaragasa undokore+,Ewe Yehova, nyaragasa untabare+.
2 Nibamaramare barye ivyatsi, abo barondera ubuzima bwanje+.Nibahindukire bateterwe, abo bahimbarwa n’ivyago vyanje+.
3 Nibasubire inyuma bivuye ku bimaramare vyabo, abo bavuga ngo: “Ahaa! Ahaa+!”
4 Nibigine, banezerwe muri wewe, abo bose bakurondera+;Abo bakunda ubukiriro bwawe nibame bavuga bati: “Imana nishimagizwe+!”
5 Mugabo jewe ndi umurushwa n’umworo+.Ewe Mana, gira ico ukoze ningoga ku bwanje+.Ni wewe mutabazi wanje ukaba n’uwunkiza+.Ewe Yehova, ntutebe birenze+.
