Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 66:1-20

Ku muyobozi. Ururirimbo, agahibongozo. 66  Nimuvugirize Imana akaruru k’intsinzi, yemwe abo kw’isi mwese+!   Nimuhibongoreze ubuninahazwa bw’izina ryiwe+. Nimutume ishemezo ryiwe riba irininahaye+.   Bwire Imana muti: “Ese ingene ibikorwa vyawe biteye ubwoba+! Kubera ubwinshi bw’inkomezi zawe, abansi bawe bazoza kuri wewe bahinda agashitsi+.   Abo kw’isi bose bazokwunamira+, Kandi bazoguhibongoreza, bazohibongoreza izina ryawe+.” Sela.   Nimuze murabe ibikorwa vy’Imana+. Ivyo igirira abana b’abantu birateye ubwoba+.   Ikiyaga yagihinduye isi yumutse+; Bajabutse n’amaguru baciye mu ruzi+. Ng’aho, dutangura kunezerwa mu Mana+.   Iganzisha ubushobozi bwayo gushika igihe kitagira urugero+. Amaso yayo aguma areretse amahanga+. Nayo intagondwa, ntizishire hejuru+. Sela.   Hezagire Imana yacu, yemwe bisata vy’abantu+, Mwumvikanishe ijwi ry’ukuyishemeza+.   Idushira mu buzima+, Kandi ntiyaretse ikirenge cacu ngo kinyiganyige+. 10  Kuko wadusuzumye, ewe Mana+; Wadutyoroye nk’uwutyorora ifeza+. 11  Watwinjije mu rusenga rw’uruhigi+; Wadushize umukazo mu mafyinga. 12  Watumye umuntu buntu atugendera ku mutwe+; Twaciye mu muriro no mu mazi+, Uradusohora utuzana ku gutabarwa+. 13  Nzoza mu nzu yawe mfise amashikanwa aturirwa uko yakabaye+; Nzoshitsa indagano zanje kuri wewe+, 14  Izo iminwa yanje yasamye ikavuga+, N’umunwa wanje ukazivuga igihe nari ngeze habi+. 15  Nzogushikanira amashikanwa aturirwa uko yakabaye y’ibitungwa bikiri bito binuze+, Kumwe n’umwotsi w’ibimazi w’impfizi z’intama. Nzohereza ishūri hamwe n’amasuguru y’impene+. Sela. 16  Nimuze mwumvirize, yemwe abatinya Imana mwese, nigane+ Ivyo yankoreye+. 17  Narayihamagaye n’akanwa kanje+, Ururimi rwanje na rwo rurayihayagiza+. 18  Nimba mu mutima wanje naritegereje ikibi na kimwe, Yehova ntazonyumva+. 19  Vy’ukuri, Imana yarumvise+; Yateze ugutwi ijwi ry’isengesho ryanje+. 20  Hahezagirwe Imana itigijeyo isengesho ryanje, Canke ngo yigize ubuntu bwuzuye urukundo bwayo kure yanje+.

Amakuru yiyongereye