Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 65:1-13

Ku muyobozi. Agahibongozo ka Dawidi. Ururirimbo. 65  Imbere yawe hari ishemezo n’agacerere, ewe Mana, i Siyoni+;Kandi indagano izoshitswa kuri wewe+.   Wewe wumva amasengesho, emwe, abantu b’ubwoko bwose bazoza kuri wewe+.   Ibintu vy’ikosa vyandushije inkomezi+.Nayo ibigabitanyo vyacu, wewe ubwawe uzobipfuka+.   Hahiriwe uwo utora ukamwiyegereza+,Ngo yibere mu bigo vyawe+.Ntituzobura guhazwa n’ukumera neza kw’inzu yawe+,Ahantu heranda h’urusengero rwawe+.   Uzotwishura ukoresheje ibintu biteye ubwoba, mu bugororotsi+,Ewe Mana y’ubukiriro bwacu+,Mizero y’imipaka yose y’isi n’abari kure ku kiyaga+.   Ashimangira imisozi akoresheje ububasha bwiwe+;Emwe, akenyeye ubushobozi+.   Ahwamika urwamo rw’ibiyaga+,Urwamo rw’imipfunda yavyo n’uruyogoyogo rw’imiryango y’amahanga+.   Ababa iyo catawe bazotinya ibimenyetso vyawe+;Utuma uguturuka kw’igitondo n’ukw’umugoroba vyiha akamo k’umunezero+.   Witayeho isi, kugira ngo uyihe umukimba+;Urayitungisha cane.Umugezi uva ku Mana wuzuye amazi+.Utegura intete zabo+,Kuko ukwo ari ko utegura isi+. 10  Imirongo yayo y’ubusizi irajobekwa, ibinonko vyayo bikaringanizwa+;Uyorohesha imicuncubuko y’imvura; uhezagira iminago yayo+. 11  Wambitse umwaka urugori rw’ineza yawe+,Kandi imihora yawe itonyanga ibinure+. 12  Amatongo y’uburagiriro y’agahinga aguma atonyanga+,Imirambi na yo igakenyera akanyamuneza+. 13  Amaragiriro yambaye imikuku+,Ibiyaya vyo hasi na vyo bitwikiriwe n’intete+.Vyiha akaruru k’intsinzi, egome, biraririmba+.

Amakuru yiyongereye