Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 59:1-17

Ku muyobozi. “Ntuhonye.” Ni izaburi ya Dawidi. Mikitamu. Igihe Sauli yatuma abantu, bakagumiza ijisho ku nzu, kugira bamwice+. 59  Ndokora unkize abansi banje, ewe Mana yanje+; Nunkingire abampagurukira+.   Ndokora unkize abakora ibintu bibabaza+, Unkize n’abagīrwa n’amaraso.   Kuko, ehe babundiye ubuzima bwanje+; Abakomeye barantera+, Kandi ata mugararizo nagize, ata n’igicumuro nakoze, ewe Yehova+!   Naho ata kosa mfise, bariruka bakitegura+. Nuvyuke iyo mpamagaye, urabe+.   Nawe, ewe Yehova Mana nyen’ingabo, ni wewe Mana ya Isirayeli+. Ikangure, witeho ivy’amahanga yose+. Ntugirire ubutoni n’umwe mu baguranyi bakora ikibi+. Sela.   Baguma bagaruka ku mugoroba+; Baguma bakuga nk’imbwa+, bakazunguruka igisagara+.   Raba! Badudubiza amajambo n’akanwa kabo+; Inkota ziri ku minwa yabo+, Kuko, ni nde yumviriza+?   Mugabo wewe ubwawe, ewe Yehova, uzobatwenga+; Uzotwengera amahanga yose mw’ijigo+.   Ewe Nkomezi zanje, nzogumiza ijisho iwawe+; Kuko Imana ari yo hantu hanje hakirurutse hatagira inkomanzi+. 10  Ya Mana ingirira ubuntu bwuzuye urukundo, izonsanganira+; Imana ubwayo izotuma nitegereza abansi banje+. 11  Ntubice, kugira ngo abantu banje ntibibagire+. Ku nkomezi zawe, utume bayerera+, Ubamanure, ewe nkinzo yacu Yehova+, 12  Ku bw’igicumuro c’akanwa kabo, ijambo ry’iminwa yabo+; Nibafatirwe mu bwishime bwabo+, Egome, kubera imivumo n’ubuhendanyi baguma basubiramwo. 13  Nubamare washangashiwe+; Nubamare, ntibabeho; Nibamenye yuko Imana iganza muri Yakobo gushika ku mpera z’isi+. Sela. 14  Nibagaruke ku mugoroba; Nibakuge nk’imbwa, bazunguruke igisagara+. 15  Abo nyene nibayerere barondera ico barya+; Ntibahage canke ngo bamare ijoro+. 16  Nayo jewe, nzoririmba inkomezi zawe+, Kandi mu gitondo nzovugana umunezero ubuntu bwuzuye urukundo bwawe+. Kuko wambereye ahantu hakirurutse hatagira inkomanzi+ Be n’ahantu ho guhungira ku musi w’amarushwa yanje+. 17  Ewe Nkomezi zanje, nzoguhibongoreza+, Kuko Imana ari yo hantu hanje hakirurutse hatagira inkomanzi, Imana y’ubuntu bwuzuye urukundo kuri jewe+.

Amakuru yiyongereye