Zaburi 54:1-7
Ku muyobozi, ku bicurarangisho vy’imirya. Masikili. Ni izaburi ya Dawidi. Igihe Abazifu binjira bagatangura kubwira Sauli bati: “Mbega Dawidi ntiyihishije muri twebwe+?”
54 Ewe Mana, nunkirishe izina ryawe+,Kandi ukoresheje ubushobozi bwawe, umburanire+.
2 Ewe Mana, niwumve isengesho ryanje+;Tega ugutwi amajambo y’akanwa kanje+.
3 Kuko ab’ahandi bampagurukiye,N’intwazamukazo zirondera ubuzima bwanje+.Ntibashize Imana imbere yabo+. Sela.
4 Raba! Imana ni yo mufasha wanje+;Yehova ari mu bashigikiye ubuzima bwanje.
5 Azokwishura ikibi abansi banje+;Mu kuri kwawe, nubanumye+.
6 Nzogushikanira ikimazi n’umutima ukunze+.Nzohaya izina ryawe, ewe Yehova, kuko ari vyiza+.
7 Kuko yandokoye akankiza amarushwa yose+,Kandi ijisho ryanje ryitegereje abansi banje+.
