Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 51:1-19

Ku muyobozi. Agahibongozo ka Dawidi. Igihe Natani umuhanuzi yinjira iwe inyuma y’aho aryamaniye na Bati-sheba+. 51  Ngirira ubutoni, ewe Mana, nk’uko ubuntu bwuzuye urukundo bwawe buri+. Nuhanagure ibigabitanyo vyanje nk’uko ubwinshi bw’imbabazi zawe buri+.   Nunyoze rwose unkureko ikosa ryanje+, Umpumanure igicumuro canje+.   Kuko ibigabitanyo vyanje jewe ndabizi+, Kandi igicumuro canje cama imbere yanje+.   Ni wewe nacumuyeko, wewe wenyene+, Kandi nakoze ibibi mu maso yawe+, Kugira ngo uboneke ko ugororotse igihe uvuga+, Kugira ngo uboneke ko wera igihe uca urubanza+.   Raba! Navyariwe mw’ikosa mu bubabare bwo kwibaruka+, Kandi mawe yansamiye inda mu gicumuro+.   Raba! Wahimbawe n’ukuri imbere mu muntu+; Kandi imbere muri jewe, umenyeshe ubukerebutsi+.   Ese wontyorora igicumuro ukoresheje ezobu, nkaba uwudahumanye+; Ese wonyoza, nkera mbere kurusha shelegi*+.   Ese wonyumvisha ijwi ry’umwigino n’umunezero+, Kugira ngo amagufa wajanjaguye agire akanyamuneza+.   Hisha mu maso hawe ibicumuro vyanje+, Uhanagure mbere amakosa yanje yose+. 10  Nureme muri jewe umutima utyoroye, ewe Mana+, Ushire muri jewe impwemu nshasha, ihamye+. 11  Ntunshibure ngo mve imbere y’amaso yawe+; Kandi impwemu nyeranda yawe, yoo! ntuyinkureko+! 12  Nunsubize umwigino w’ubukiriro bwawe+, Kandi unshigikize umutima ukunze+. 13  Nzokwigisha inzira zawe abagabitanya+, Kugira ngo abacumuzi bagaruke koko kuri wewe+. 14  Nundokore unkize ukwagirwa n’amaraso+, ewe Mana, Mana y’ubukiriro bwanje+, Kugira ngo ururimi rwanje ruvugane umunezero ubugororotsi bwawe+. 15  Ewe Yehova, ese woteranura iyi minwa yanje+, Kugira ngo akanwa kanje kamenyeshe ishemezo ryawe+. 16  Kuko udahimbarwa n’ikimazi, ahandiho nari kugitanga+; Ntuhimbarwa n’ishikanwa riturirwa uko ryakabaye+. 17  Ibimazi bihabwa Imana ni umutima umenaguritse+; Umutima umenaguritse kandi ujanjaguritse, ewe Mana, ntuzowusuzugura+. 18  Mu butoni bwawe, girira neza Siyoni+; Ese wokwubaka impome za Yeruzalemu+. 19  Ni ho uzohimbarwa n’ibimazi vy’ubugororotsi+, N’ikimazi giturirwa, be n’ishikanwa ritangwa uko ryakabaye+; Ni ho amashūri azoshikanirwa ku gicaniro cawe+.

Amakuru yiyongereye

“Shelegi” ni ibintu vyera cane vy’ibivunjivunji bigwa nk’imvura.