Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 5:1-12

Ku muyobozi, kuri Nehiloti. Agahibongozo ka Dawidi. 5  Tega ugutwi amajambo yanje+, ewe Yehova; Tahura ukuniha kwanje.   Umviriza ijwi ry’ugutabaza kwanje+, Ewe Mwami wanje+ n’Imana yanje, kuko ari wewe nsenga+.   Ewe Yehova, mu gitondo uzokwumva ijwi ryanje+; Mu gitondo nzokwitura, ngume ngavye+.   Kuko utari Imana ihimbarwa n’ububisha+; Nta mubi yobana nawe akanya na gatoyi+.   Nta birata bohagarara imbere y’amaso yawe+. Uranka koko abaza barakora ibintu bibabaza bose+;   Uzorandura abavuga ikinyoma+. Umuntu asesa amaraso+ kandi akoresha ubuhendanyi+ Yehova aramwanka urunuka.   Nayo jewe, mu bwinshi bw’ubuntu bwuzuye urukundo bwawe+ Nzokwinjira mu nzu yawe+, Nzokwunama nerekeza ku rusengero rwawe rweranda ngutinya+.   Ewe Yehova, nunyobore mu bugororotsi bwawe+ kubera abansi banje+; Sena inzira yawe imbere yanje+.   Kuko mu kanwa kabo ata kintu co kwizigirwa kiriyo+; Imbere muri bo ni amarushwa gusa+. Umuhogo wabo ni imva irangaye+; Bakoresha akarimi gasosa+. 10  Imana ntizobura kubabona nk’abagirwa n’icaha+; Bazogwa kubera inama zabo bwite+. Mu bigabitanyo vyabo indiri nibashwiragire+, Kuko bakugararije+. 11  Ariko abahungira muri wewe bose bazonezerwa+; Gushika igihe kitagira urugero*, bazokwiha akamo k’umunezero+. Nawe uzozibira inzira ishika aho bari, Kandi abakunda izina ryawe bazokwigina muri wewe+. 12  Kuko ubwawe uzohezagira umuntu wese w’umugororotsi+, ewe Yehova! Uzobakikuza ugushimwa+, nk’aho ukoresheje inkinzo+ yagutse.

Amakuru yiyongereye

Raba Inyongera ya 21.