Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 42:1-11

Ku muyobozi. Masikili ku bwa bene Kora+. 42  Nk’uko impongokazi yipfuza cane imigezi y’amazi, Ni ko umutima wanje ukwipfuza cane, Mana we+!   Umutima wanje uranyotewe Imana+, uranyotewe Imana nzima+. Nzoza ryari ngo nseruke imbere y’Imana+?   Amosozi yanje ambereye ibifungurwa umurango n’ijoro+, Na bo bukarinda bwira bambwira ngo: “Imana yawe iri hehe+?”   Ibi nzovyibuka, nsuke umutima wanje imbere muri jewe+. Kuko nahora ndengana ndi kumwe n’ikinja, Nahora ngendera imbere yabo buhorobuhoro nja ku nzu y’Imana+, N’ijwi ry’akamo k’umunezero n’ugukenguruka+, Ry’isinzi rihimbaza umusi mukuru+.   Ewe mutima wanje, kubera iki wihebuye+? Kubera iki usebagirika muri jewe+? Rindira Imana+, Kuko nzoshishikara kuyihaya ko ari yo bukiriro bwanje buhambaye+.   Ewe Mana yanje, muri jewe umutima wanje wihebuye+. Ni co gituma nkwibuka+, Nkakwibuka ndi mu gihugu ca Yorodani no ku masonga ya Herumoni+, Ndi kuri wa musozi mutoyi+.   Inyenga y’amazi ihamagara inyenga y’amazi Iyo yumvise ijwi ry’imigende yawe y’amazi+. Imikuba isuriranya yawe yose be n’imipfunda yawe, Vyaciye hejuru yanje+.   Ku murango Yehova azotegeka ubuntu bwuzuye urukundo bwiwe+, Mw’ijoro na ho ururirimbo rwiwe ruzobana nanje+; Imana y’ubuzima bwanje izoturwa isengesho+.   Nzobwira Imana yo rutare rwanje+ nti: “Kubera iki wanyibagiye+? Kubera iki ngenda mbabaye bitewe n’agahahazo k’umwansi+?” 10  Abanyanka bansize iceyi, basinzikaza amagufa yanje+, Bukarinda bwira bambwira ngo: “Imana yawe iri hehe+?” 11  Ewe mutima wanje, kubera iki wihebuye+? Kubera iki usebagirika muri jewe+? Rindira Imana+, Kuko nzoshishikara kuyihaya ko ari yo bukiriro bwanje buhambaye, ko ari yo Mana yanje+.

Amakuru yiyongereye