Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 39:1-13

Ku muyobozi wa Yedutuni+. Agahibongozo ka Dawidi. 39  Navuze nti: “Nzorinda inzira zanje+ Ngo sincumure n’ururimi rwanje+. Nzoshiraho ikirumyo kirinda umunwa wanje+, Igihe cose umubisha azoba ari imbere yanje+.”   Nagumye mu gacerere, ncika nk’ikiragi+; Nagumye ninumiye ku vyerekeye iciza+, Ukubabara kwanje na kwo kurakumirwa.   Umutima wanje warashuhiye imbere muri jewe+; Mu gihe c’ukuniha kwanje umuriro wagumye waka. Navuze n’ururimi rwanje nti:   “Menyesha iherezo ryanje, ewe Yehova+, N’urugero rw’imisi yanje, urwo ari rwo+, Kugira menye ingene ndi uwumara akanya isase+.   Raba! Imisi yanje wayigize imparurwa+; Ikiringo ubuzima bwanje bumara ni nk’ubusa imbere yawe+. Ni ukuri, umuntu wese yakuwe mw’ivu naho ahagarara ashikamye, nta kindi ari atari impemu zisohotse+. Sela.   Ni ukuri, umuntu burya agendagenda ari ishusho nsa+. Ni ukuri, basebagirikira ubusa+. Umuntu ararundanya ibintu, ntamenye uwuzobitwara+.   None ico nizigiye ni igiki, ewe Yehova? Ni wewe niteze+.   Nundokore unkize ibigabitanyo vyanje vyose+. Ntunshirireho kuba nk’iceyi c’imburabwenge+.   Nagumye ndi nk’ikiragi+; sinashoboye gukurako umunwa+, Kuko wewe ubwawe wagize ico ukoze+. 10  Nunkureko icago cawe+. Kubera urwanko rw’ukuboko kwawe, ubwanje burarangiye+. 11  Wakosoye umuntu ukoresheje ibikangiro vyiyamiriza ikosa+, Kandi ukuguta nk’agakoko* ibintu vyiwe vy’igikundiro+. Ni ukuri, umuntu wese yakuwe mw’ivu ni impemu zisohotse+. Sela. 12  Niwumve isengesho ryanje, ewe Yehova! Utege ugutwi ugutabaza kwanje+. Ntugume wicerereje ngo wirengagize amosozi yanje+. Kuko ndi kavamahanga gusa kuri wewe+, Inyambukira cokimwe na ba sogokuruza bose+. 13  Raba hirya unkureko amaso, kugira ngo nkayangane+ Imbere y’uko nigira, simbe nkiriho+.”

Amakuru yiyongereye

Ni ubwoko bw’agakoko kaguruka karya impuzu.