Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 35:1-28

Ni izaburi ya Dawidi. 35  Niwifatire mu minwe urubanza rwanje, ewe Yehova, urwo mburana n’abandwanya+; Nurwanye abandwanya+.   Fata inkinzo ntoyi be n’iyagutse+, Uhaguruke umfashe+,   Usokore icumu n’ishoka irimwo zibiri uhure n’abankurikirana+. Bwira umutima wanje uti: “Ni jewe bukiriro bwawe+.”   Nibamaramare, bateterwe, abahiga ubuzima bwanje+. Nibasubizwe inyuma, barye ivyatsi, abaja umugambi wo kunteza ivyago+.   Nibacike nk’umuguruka imbere y’umuyaga+, Kandi umumarayika wa Yehova abahinde+.   Inzira yabo nicike umwiza n’ahantu hanyerera+, Kandi umumarayika wa Yehova abakurikirane.   Kuko banyegeje icobo gishasheko urusenga ngo ndakigwemwo, ata gituma+; Bacimbiye ubuzima bwanje ata gituma+.   Agatikizo nikamuzeko atabizi+, Urusenga rwiwe yanyegeje rumucakire+; Narurwemwo, atikire+.   Mugabo umutima wanje nunezerwe muri Yehova+; Niwigine mu bukiriro bwiwe+. 10  Amagufa yanje yose navuge+ ati: “Ewe Yehova, ni nde ameze nkawe+, Arokora umurushwa akamukiza uwumurusha inkomezi+, Umuntu w’umurushwa kandi w’umworo akamukiza uwumwambura+?” 11  Ivyabona vy’inkazi birahaguruka+; Bimbaza ivyo ntazi+. 12  Bampemba ibibi ku vyiza+, Bagatera intuntu umutima wanje+. 13  Nayo jewe, igihe bari barwaye, icambarwa canje ryari igunira+; Nibabarisha ukwisonzesha+, Isengesho ryanje rikagaruka ku gikiriza canje+. 14  Nk’aho yoba ari umugenzi, nk’aho yoba ari mwene wacu+, Nagendagenda nk’uwugandariye nyina+. Narajondama, nishwe n’umubabaro. 15  Mugabo igihe naba ncumbagiye baranezerwa, bagakoranira hamwe+; Barakoranira hamwe ngo bandwanye+, Bakankubita hasi ntabizi+; Barantabagura ntibacereze+. 16  Mu batwenzi b’abahuni bironderera ico birira+, Hari ukumpekenyera amenyo+. 17  Ewe Yehova, uzoguma ubibona kugeza ryari+? Garukana ubuzima bwanje ubukize ukuyogeza kwabo+, Ubwo mfise bwonyene+ ubukize intambwe z’imikangara z’imigāra. 18  Nzoguhaya mw’ishengero rinini+; Mu bantu benshi nzogushemeza+. 19  Ese ababaye abansi banje ata mvo batonyigambako+; Nayo abanyankira ubusa, ntibavune urugohe+. 20  Kuko amahoro atari yo bavuga+; Mugabo ku bwo kugirira nabi abitekaniye bo kw’isi, Baguma bategura ivy’ubuhendanyi+. 21  Batāburura akanwa kabo ngo bandotse+. Bavuze ngo: “Ahaa! Ahaa! Ijisho ryacu ryabibonye+.” 22  Wabibonye, Yehova we+! Ntugume wicerereje+. Ewe Yehova, ntugume kure yanje+. 23  Vyuka, wikangurire urubanza rwanje+, Ewe Mana yanje, wewe Yehova, wikangurire imburano zanje+. 24  Ncira urubanza nk’uko ubugororotsi bwawe buri, ewe Yehova Mana yanje+, Ntibanyigambeko+. 25  Ese batovuga mu mutima wabo ngo: “Ahaa! Ico twagomba ni ico+!” Ntibavuge ngo: “Turamumize+.” 26  Nibamaramare barye ivyatsi bose hamwe+, Abo banezererwa ivyago vyanje+. Nibambikwe ibimaramare+ n’agateterwe, abo banyiryako+. 27  Nibihe akamo k’umunezero, banezerwe, barya bahimbarwa n’ubugororotsi bwanje+, Bame bavuga+ bati: “Yehova nashimagizwe, we ahimbarwa n’amahoro y’umusavyi wiwe+.” 28  Kandi ururimi rwanje niruvuge ubugororotsi bwawe n’ijwi ritoyi+, Rugushemeze burinde bwira+.

Amakuru yiyongereye