Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Zaburi 28:1-9

Ni izaburi ya Dawidi. 28  Ewe Yehova, ni wewe nguma mpamagara+. Ewe Gitandara canje, ntumbere igipfamatwi+, Kugira ngo ntugume winumiye ku binyerekeye+, Nanje simbwirizwe kumera nk’abamanuka mu cobo+.   Niwumve ijwi ry’amajambo y’ukwinginga kwanje igihe ngutabaza, Igihe nduza amaboko yanje+ ndayerekeza ku cumba c’ahitereye c’ahantu heranda hawe+.   Ntunkwegane n’ababisha be n’abakora ibintu bibabaza+, Abavugana ivy’amahoro na bagenzi babo+ mugabo mu mitima yabo hari ibibi+.   Nubahe ibihuye n’uko bakora+, N’ibihuye n’ububi bw’ibikorwa vyabo+. Ubahe koko ibihuye n’igikorwa c’amaboko yabo+. Nubishure ivyo ubwabo bagira+.   Kuko batitaho ibikorwa vya Yehova+, Canke igikorwa c’amaboko yiwe+. Azobasambura ntabubake.   Yehova nahezagirwe, kuko yumvise ijwi ry’amajambo y’ukwinginga kwanje+.   Yehova ni we nkomezi zanje+ n’inkinzo yanje+. Ni we umutima wanje wizigiye+, Kandi naratabawe, ku buryo umutima wanje wigina+, Kandi nzomuhayisha ururirimbo rwanje+.   Yehova ni inkomezi ku bantu biwe+, Kandi ni igihome gikomeye c’ubukiriro buhambaye bw’uwo yarobanuje amavuta+.   Kiza abantu bawe, uhezagire intoranwa yawe+; Nubaragire, ubaterure gushika igihe kitagira urugero+.

Amakuru yiyongereye