Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 17:1-15

Isengesho rya Dawidi. 17  Niwumve ibigororotse, Yehova we; niwumvirize akamo k’ukwinginga kwanje+; Tega ugutwi isengesho ryanje ridatuwe n’iminwa ivuga ivy’ubuhendanyi+.   Urubanza rwanje niruzanane imbere yawe+; Amaso yawe niyitegereze ukugororoka+.   Wasuzumye umutima wanje, wangenduye mw’ijoro+, Warantyoroye; uzobona yuko ata mugambi mubi nateguye+. Akanwa kanje ntikazogabitanya+.   Ku bijanye n’ibikorwa vy’abantu, Jewe naririnze iminyuro y’umwambuzi biciye kw’ijambo ry’iminwa yawe+.   Intambuko zanje nizifate imihora yawe+, Muri yo amakanda yanje ntazogenda anyiganyijwe+.   Jewe ndakwambaza, kuko uzonyishura, Mana+! Ntega ugutwi. Niwumve ijambo ryanje+.   Nutume ibikorwa vyawe vy’ubuntu bwuzuye urukundo biba agatangaza+, ewe Mukiza w’abarondera ubuhungiro Bahunga abagarariza ukuryo kwawe+.   Nunzigame nk’imbone y’ijisho+, Umpishe mu gitutu c’amababa yawe+,   Kubera ababisha banyaze. Abansi b’ubuzima bwanje baguma bansugereza+. 10  Bizitije ikinure cabo+; Bavuganye ubwibone n’akanwa kabo+; 11  Ku bijanye n’intambuko zacu, ubu baradukikuje+; Baguma bashinze ijisho kugira baduture hasi+. 12  Ishusho y’umubisha ni iy’intambwe ishashaye gutabagura+ Be n’iy’intambwe y’umukangara ibunze ahantu hihishije. 13  Haguruka, Yehova we; nuhangane na we amaso mu yandi+; Mwunamike; kiza ubuzima bwanje umubisha ukoresheje inkota yawe+, 14  Ubukize abantu ukoresheje ukuboko kwawe, ewe Yehova+! Ubukize abantu b’iki gihe+, abo umuturi wabo uri muri ubu buzima+, N’inda yabo ukayuzuza itunga ryawe ryahishijwe+, Abahagijwe abahungu+ Kandi bakarundira abana babo ibisigi vyabo+. 15  Nayo jewe, mu bugororotsi nzokwitegereza mu maso hawe+; Nzohaga ninikangurira kuraba ishusho yawe+.

Amakuru yiyongereye