Zaburi 147:1-20
147 Shemeze Ya+!
Kuko ari vyiza guhibongoreza Imana yacu+;Kuko bihimbaye, emwe, ishemezo rirabereye+.
2 Yehova arubaka Yeruzalemu+;Abashwiragiye ba Isirayeli arabakoraniriza hamwe+.
3 Akiza+ abavunitse umutima+,Agatubika ahantu habababaza+.
4 Araharura igitigiri c’inyenyeri+;Zose azihamagara mu mazina yazo+.
5 Umukama wacu arahambaye kandi agwije ububasha+;Ugutegera kwiwe ntigushobora kudondwa+.
6 Yehova aratabara abatekereza+;Amanura ababisha gushika hasi+.
7 Nimwitabe Yehova mukenguruka+;Nimuhibongoreze Imana yacu ku nanga+,
8 Umwe apfukisha amajuru ibicu+,Umwe ategurira isi imvura+,Umwe atuma imisozi inagako ivyatsi bitoto+.
9 Aha ibikoko indya zavyo+,Akaziha ibikona bikiri bito biguma bihamagara+.
10 Ntanezerwa n’ubushobozi bw’ifarasi+,Canke ngo ahimbarwe n’amaguru y’umuntu+.
11 Yehova ahimbarwa na barya bamutinya+,Barya barindiriye ubuntu bwuzuye urukundo bwiwe+.
12 Keza Yehova+, Yeruzalemu we!Shemeza Imana yawe, Siyoni we+!
13 Kuko yakomeje ibihindizo vy’amarembo yawe;Yahezagiye abana bawe hagati muri wewe+.
14 Ashira amahoro mu karere kawe+;Aguma aguhaza ikinure c’ingano+.
15 Arungika kw’isi iryo avumereye+;Ijambo ryiwe ririruka n’umuvuduko.
16 Atanga shelegi nk’ubwoya+;Utubarafu adusanzaza nk’iminyota+.
17 Ata ibarafu yiwe nk’ibimanyu vy’umukate+.Ni nde yohagarara imbere y’ubukanye bwiwe+?
18 Arungika ijambo ryiwe+ akabishongesha.Atuma umuyaga wiwe uhuhuta+;Amazi aratemba.
19 Ahishurira ijambo ryiwe Yakobo+,Ingingo nyobozi ziwe+ n’ingingo ziwe z’ubutungane akabihishurira Isirayeli+.
20 Nta rindi hanga na rimwe yagiriye gutyo+;Nayo ingingo ziwe z’ubutungane, ntibazimenye+.Shemeze Ya+!