Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 144:1-15

Ni izaburi ya Dawidi. 144  Hahezagirwe Yehova we Gitandara canje+, Uwigisha amaboko yanje kurwana+, Akigisha intoke zanje intambara;   Ni we buntu bwuzuye urukundo bwanje n’igihome canje gikomeye+, Ahantu hanje hakirurutse hatagira inkomanzi akaba n’uwunkiza+, Inkinzo yanje+ akaba n’uwo nahungiyemwo+, Umwe amara igabo ibisata vy’abantu munsi yanje+.   Ewe Yehova, umuntu ni iki ngo umwitwararike+, Umwana w’umuntu buntu+ ngo umwiteho?   Umuntu ubwiwe ameze nk’impemu nsa zisohotse+; Imisi yiwe ni nk’igitutu gihita+.   Ewe Yehova, nuhete amajuru yawe, umanuke+; Nukore ku misozi, ifumbe umwotsi+.   Nuravye imiravyo, ubasanzaze+; Rungika imyampi yawe, ubate mu muvurungano+.   Tuma amaboko yawe uri iyo hejuru+; Numbohore, undokore muri ya mazi menshi+, Mu kuboko kw’abanyamahanga+,   Abo akanwa kabo kavuze ivy’ububeshi+, Ukuryo kwabo na kwo kukaba ari ukuryo kw’ikinyoma+.   Ewe Mana, nzokuririmbira ururirimbo rushasha+. Ku gicurarangisho c’imirya cumi, nzoguhibongoreza+, 10  Umwe aha ubukiriro abami+, Umwe aha Dawidi umusavyi wiwe kwidegemvya akamukiza inkota ikora inabi+. 11  Numpe kwidegemvya, undokore mu kuboko kw’abanyamahanga+, Abo akanwa kabo kavuze ivy’ububeshi+, Ukuryo kwabo na kwo kukaba ari ukuryo kw’ikinyoma+, 12  Bakavuga bati: “Abahungu bacu ni nk’uduterwa dutoduto twakuze mu buto bwatwo+, Abakobwa bacu na bo nk’imfuruka zibajwe kurya bashariza ikirimba, 13  Ubushinguro bwacu bukaba bwuzuye, bukagenda buratanga ibintu vy’ubwoko butandukanye+, Imikuku yacu ikongerekana, umwumwe ukigwiza ibihumbi, ibihumbi cumi, mu mabarabara yacu, 14  Inka zacu zikaba ziremerewe, ata kumena canke kuramburura+, Kandi ata maborogo mu bibanza vyacu vya bose+. 15  Hahiriwe abantu ivyabo bimeze gutyo!” Hahiriwe abantu Imana yabo ari Yehova+!

Amakuru yiyongereye