Zaburi 139:1-24
Ku muyobozi. Ni izaburi ya Dawidi. Agahibongozo.
139 Ewe Yehova, waranseranguye, kandi uranzi+.
2 Urazi iyicara ryanje n’ihaguruka ryanje+.Warimbūriye kure iciyumviro canje+.
3 Ukugenda kwanje n’ukuryama kwanje niramvuye, warabigeze+,Kandi inzira zanje zose urazimenyereye+.
4 Kuko ata jambo riba ku rurimi rwanje+,Ewe Yehova, ngo ube utamaze kurimenya ryose+!
5 Inyuma n’imbere, waranyugarije;Kandi ushira ukuboko kwawe kuri jewe.
6 Ubwo bumenyi ni agatangaza bindengeye+.Burahanitse cane ku buryo ntoshobora kubushikira+.
7 Noja hehe ngo mpunge impwemu yawe+,Kandi mu maso hawe nohahungira hehe+?
8 Hamwe noduga mw’ijuru, ni yo woba uri+;Hamwe na ho nosasa uburiri bwanje mu kuzimu, ehe ni yo woba uri+!
9 Hamwe notora amababa+ y’umutwenziNgo nje kuba mu kiyaga ca kure y’ibindi vyose+,
10 No ng’aho nyene ukuboko kwawe kwonyobora+,Kandi ukuryo kwawe kwoncakira+.
11 Novuga na ho nti: “Ni ukuri umwiza uzonsūmira+!”,Ijoro ryoca riba umuco irya n’ino yanje+.
12 Mbere n’umwiza ntiwocura umwiza ngo ukubuze kubona+,Ahubwo ijoro ryobonesha nk’umurango+;Umwiza na wo nyene woba umuco+.
13 Kuko ari wewe wahinguye amafyigo yanje+;Watumye nguma ntwikiriye mu nda ya mama+.
14 Nzoguhaya kuko ndemwe mu buryo bw’agatangaza buteye ubwoba+.Ibikorwa vyawe ni agatangaza+,Kandi umutima wanje urabizi neza cane+.
15 Amagufa yanje ntiwayanyegejwe+Igihe nahingurirwa mw’ibanga+,Igihe najishirwa mu bihimba vy’epfo rwose+ vy’isi.
16 Amaso yawe yarambonye nkiri inda y’agasamo+,Kandi mu gitabu cawe ibihimba vyanje vyose vyari vyanditswe,Ku bijanye n’imisi vyabumbiweko+Kandi ata na kimwe muri vyo cari bwabeho.
17 Ese rero ukuntu ivyiyumviro vyawe ari ivy’agaciro kuri jewe+!Ewe Mana, ese ukuntu igitigiri cavyo cose hamwe ari kinini cane+!
18 Hamwe nogerageza kubiharura, biruta udutete tw’umusenyi+.Nikanguye, yamara ndacari kumwe nawe+.
19 Ese Mana wokwica umubisha+!Ni ho abagīrwa n’amaraso+ bomvako vy’ukuri,
20 Barya bakuvugako ibintu bisunze iciyumviro cabo+;Bafashe izina ryawe mu buryo butabereye+: ni bo barwanizi bawe+.
21 Mbega sinanka abakwanka urunuka ga Yehova+?Mbega sinshishwa n’abakugarariza+?
22 Ndabanka urwanko rwuzuye+.Bacitse abansi katwa kuri jewe+.
23 Mana, nunserangure umenye umutima wanje+.Nunsuzume umenye ivyiyumviro vyanje bidurumbanya+,
24 Urabe ko muri jewe hari inzira n’imwe ibabaza+,Unyobore mu nzira+ y’igihe kitagira urugero.
