Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Zaburi 119:1-176

א [ʼAlefu] 119  Hahiriwe abatagira amahinyu mu nzira yabo+, Abagendera mw’itegeko rya Yehova+.   Hahiriwe abubahiriza ivyibutsa vyiwe+; Baguma bamurondeza umutima wose+.   Vy’ukuri, nta bitagororotse baza barakora+. Bagendeye mu nzira ziwe+.   Wewe ubwawe watanze amateka yawe bwa bwirizwa+ Ngo bayagumye bavyitondeye+.   Yoo! ese iyo inzira zanje ziba zishimangiwe+ Ngo ngumye ingingo nyobozi zawe+!   Ni ho ntomaramara+ Igihe nihweza amabwirizwa yawe yose+.   Nzoguhaya mu kugororoka kw’umutima+, Igihe niga ingingo zawe z’ubutungane zigororotse+.   Ingingo nyobozi zawe mbandanya kuzigumya+. Yoo! ntumpebe buhere+! ב [Beti]   Mbega umusore+ azotyorora inzira yiwe gute? Mu kuguma yirinze nk’uko ijambo ryawe rivuga+.  10  Nakurondeje umutima wanje wose+. Ntutume nzimira ngo mve ku mabwirizwa yawe+.  11  Nabitse muri ntibate ijambo ryawe mu mutima wanje+, Kugira ngo singucumureko+.  12  Urahezagiwe, ewe Yehova! Nunyigishe ingingo nyobozi zawe+.  13  Namenyesheje n’iminwa yanje+ Ingingo z’ubutungane zose z’akanwa kawe+.  14  Niginye mu nzira y’ivyibutsa vyawe+, Nk’uko bigina ibindi bintu vyose vy’agaciro+.  15  Nzokwitwararika amateka yawe+, Kandi nzokwihweza iminyuro yawe+.  16  Nzohimbarwa rwose n’ivyagezwe vyawe+. Sinzokwibagira ijambo ryawe+. ג [Gimelu]  17  Girira umusavyi wawe uko bibereye, kugira mbeho+ No kugira ngumye ijambo ryawe+.  18  Pfukura amaso yanje, kugira nihweze+ Ibintu vy’agatangaza vyo mw’itegeko ryawe+.  19  Nta kindi ndi atari kavamahanga mu gihugu+. Ntumpishe amabwirizwa yawe+.  20  Umutima wanje ujanjaguwe n’ugucambirwa+ Ingingo zawe z’ubutungane igihe cose+.  21  Wahambariye abita imbere b’ibivume+, Bazimira bakava ku mabwirizwa yawe+.  22  Tembagaza iceyi n’agakengerwe bimveko+, Kuko nubahirije ivyibutsa vyawe+.  23  Mbere n’abaganwa bicaye; bavuganye bandwanya+. Nayo umusavyi wawe, yitwararika ingingo nyobozi zawe+.  24  Kandi, ivyibutsa vyawe ndabikunda cane+, Ni nk’abagabo bangira inama+. ד [Daleti]  25  Ubuzima bwanje bumase ku mukungugu+. Nunzigame nk’uko ijambo ryawe riri+.  26  Namenyesheje inzira zanje, kugira unyishure+. Nunyigishe ingingo nyobozi zawe+.  27  Nuntahuze inzira y’amateka yawe+, Kugira nitwararike ibikorwa vyawe vy’agatangaza+.  28  Umutima wanje wabuze agatiro kubera intuntu+. Numpagurutse nk’uko ijambo ryawe riri+.  29  Nunkureko inzira y’ikinyoma+, Untoneshe ukoresheje itegeko ryawe+.  30  Nahisemwo inzira y’ubwizigirwa+. Ingingo zawe z’ubutungane nabonye ko zibereye+.  31  Numiye ku vyibutsa vyawe+. Ewe Yehova, ntumaramaze+.  32  Nzokwiruka mu nzira y’amabwirizwa yawe+, Kuko utuma umutima wanje wagukirwa+. ה [Heʼ]  33  Nunyigishe, ewe Yehova, inzira y’ingingo nyobozi zawe+, Kugira ndayubahirize gushika kw’iherezo+.  34  Nuntahuze, kugira nubahirize itegeko ryawe+ No kugira ndarigumye n’umutima wanje wose+.  35  Nutume ngendera mu munyuro w’amabwirizwa yawe+, Kuko nahimbawe na wo+.  36  Hengekera umutima wanje ku vyibutsa vyawe+, Ntuwuhengekere ku nyungu+.  37  Nutume amaso yanje arengana ntabone ibitagira akamaro+; Nunzigamire ubuzima mu nzira yawe+.  38  Nushitse ku musavyi wawe ijambo ryawe+ Riganisha ku kugutinya+.  39  Nutume iceyi canje gihita, ari co nagiriye ubwoba+, Kuko ingingo zawe z’ubutungane ari nziza+.  40  Raba! Naracambiwe amateka yawe+. Mu bugororotsi bwawe, nunzigamire ubuzima+. ו [Vau]  41  Ibikorwa vyawe vy’ubuntu bwuzuye urukundo nibinzeko, ewe Yehova+, Ubukiriro bwawe bunzeko nk’uko ijambo ryawe riri+,  42  Kugira nishurishe ijambo uwunsiga iceyi+, Kuko nizigiye ijambo ryawe+.  43  Ntukūre rwose mu kanwa kanje ijambo ry’ukuri+, Kuko narindiriye ingingo yawe y’ubutungane+.  44  Nzogumya itegeko ryawe nantaryo+, Gushika igihe kitagira urugero, emwe, ibihe bidahera+.  45  Nzogendagenda ahantu hagutse+, Kuko narondeye amateka yawe+.  46  Nzoyaga kandi ivyibutsa vyawe imbere y’abami+, Kandi sinzomaramara+.  47  Nzohimbarwa rwose n’amabwirizwa yawe+ Nakunze+.  48  Nzoduza ibiganza vyanje ndavyerekeza ku mabwirizwa yawe nakunze+, Kandi nzokwitwararika ingingo nyobozi zawe+. ז [Zayini]  49  Niwibuke rya jambo wabwiye umusavyi wawe+, Iryo wandindirije+.  50  Urwo ni rwo ruhoza rwanje mu marushwa yanje+, Kuko ijambo ryawe ryanzigamiye ubuzima+.  51  Abita imbere bantwengeye mw’ijigo bimwe birengeje+. Sinakebeje ngo nte itegeko ryawe+.  52  Naributse ingingo zawe z’ubutungane zo kuva igihe kitagira urugero, ewe Yehova+, Kandi ndironkera uruhoza+.  53  Umururumbo w’ubushangashirwe waramfashe kubera ababisha+ Baheba itegeko ryawe+.  54  Ingingo nyobozi zawe zacitse uduhibongozo kuri jewe+ Mu nzu mbamwo ndi kavamahanga+.  55  Mw’ijoro naributse izina ryawe, ewe Yehova+, Kugira ngumye itegeko ryawe+.  56  Emwe, ivyo vyacitse rwanje, Kuko nubahirije amateka yawe+. ח [Heti]  57  Yehova ni we muturi wanje+; Nasezeranye kugumya amajambo yawe+.  58  Nagutakambiye* n’umutima wanje wose+. Nungirire ubutoni nk’uko ijambo ryawe riri+.  59  Nararimbuye inzira zanje+, Kugira nsubize ibirenge vyanje ku vyibutsa vyawe+.  60  Naranyarutse, sinateba+ Kugumya amabwirizwa yawe+.  61  Imigozi y’ababisha yarankikuje+. Sinibagiye itegeko ryawe+.  62  Mu gicugu ndavyuka ngo ngukengurukire+ Ku bw’ingingo zawe z’ubutungane zigororotse+.  63  Ndi umugenzi w’abo bose bagutinya+, N’uw’abo bagumya amateka yawe+.  64  Ubuntu bwuzuye urukundo bwawe, ewe Yehova, bwuzuye isi+. Nunyigishe ingingo nyobozi zawe+. ט [Teti]  65  Wagiriye neza koko umusavyi wawe+, Ewe Yehova, nk’uko ijambo ryawe riri+.  66  Nunyigishe ukumera neza+, ukwiyumvira neza+ n’ubumenyi+, Kuko nizeye amabwirizwa yawe+.  67  Imbere y’uko nshikirwa n’amarushwa, naracumura bivuye ku kwihenda+, Ariko ubu naragumije ijambo ryawe+.  68  Uri mwiza, kandi ukora ivyiza+. Nunyigishe ingingo nyobozi zawe+.  69  Abita imbere bansize ibinyoma+. Nayo jewe, nzokwubahiriza amateka yawe n’umutima wanje wose+.  70  Umutima wabo waratimvye nk’ikinure+. Nayo jewe, itegeko ryawe ndarikunda cane+.  71  Ni vyiza kuba naratejwe amarushwa+, Kugira nige ingingo nyobozi zawe+.  72  Itegeko+ ryo mu kanwa kawe rimbereye ryiza+, Kuruta ibice ibihumbi vy’inzahabu n’ifeza+. י [Yodi]  73  Amaboko yawe ni yo yankoze, aranshimangira+. Nuntahuze, kugira nige amabwirizwa yawe+.  74  Abagutinya barambona bakanezerwa+, Kuko narindiriye ijambo ryawe+.  75  Ndazi neza, ewe Yehova, yuko ingingo zawe z’ubutungane ari ubugororotsi+ Be n’uko wanteje amarushwa mu bwizigirwa+.  76  Ndakwinginze ubuntu bwuzuye urukundo bwawe bube ubwo kumpoza+, Nk’uko ijambo ryawe wabwiye umusavyi wawe riri+.  77  Imbabazi zawe nizinzeko, kugira mbandanye kubaho+; Kuko itegeko ryawe ndarikunda cane+.  78  Abita imbere nibamaramare, kuko bampubishije ata gituma+. Nayo jewe, nitwararika amateka yawe+.  79  Abagutinya nibagaruke kuri jewe+, Be n’abazi ivyibutsa vyawe+.  80  Umutima wanje nuboneke ko utagira amahinyu mu ngingo nyobozi zawe+, Kugira ngo simaramare+. כ [Kafu]  81  Umutima wanje ugwabijwe no kwipfuza ubukiriro bwawe+; Narindiriye ijambo ryawe+.  82  Amaso yanje agwabijwe no kwipfuza ijambo ryawe+, Nanje nkavuga nti: “Uzompoza ryari+?”  83  Kuko mbaye nk’umukuza w’urushato+ mu mwotsi. Sinibagiye ingingo nyobozi zawe+.  84  Imisi y’umusavyi wawe ni ingahe+? Uzoshitsa imanza ryari ku bampama+?  85  Abita imbere bimvye ivyobo ngo bamfate+, Barya batabaho bisunga itegeko ryawe+.  86  Amabwirizwa yawe yose ni ubwizigirwa gusa+. Bampamye ata gituma. Yoo! nuntabare+!  87  Mu kanya gatoyi bari kuba baranzimanganije kw’isi+; Ariko jewe sinahevye amateka yawe+.  88  Nunzigamire ubuzima nk’uko ubuntu bwuzuye urukundo bwawe buri+, Kugira ngumye icibutsa co mu kanwa kawe+. ל [Lamedi]  89  Gushika igihe kitagira urugero, ewe Yehova+, Ijambo ryawe rishinzwe mu majuru+.  90  Ubwizigirwa bwawe ni ubw’iyaruka ku rindi+. Washimangiye isi, kugira igume ihagaze+.  91  Vyararagamye gushika uno musi vyisunze ingingo zawe z’ubutungane+, Kuko vyose ari abasavyi bawe+.  92  Iyo mba ntakunda cane itegeko ryawe+, Mba narazimanganiye mu marushwa yanje+.  93  Gushika igihe kitagira urugero sinzokwibagira amateka yawe+, Kuko wanzigamiye ubuzima biciye kuri yo+.  94  Ndi uwawe. Yoo! nunkize+, Kuko narondeye amateka yawe+.  95  Ababisha bandindiriye, ngo bandandure+. Nguma nerekana ko nzirikana ivyibutsa vyawe+  96  Ukutagira akanenge kwose nabonye gufise iherezo+. Ibwirizwa ryawe riragutse cane. מ [Memu]  97  Ewe kuntu nkunda itegeko ryawe+! Ni ryo nitwararika bukarinda bwira+.  98  Ibwirizwa ryawe ringira inkerebutsi kuruta abansi banje+, Kuko ari rwanje gushika igihe kitagira urugero+.  99  Nsigaye ndusha abigisha banje bose ugutahura kwimbitse+, Kuko ivyibutsa vyawe ari ikintu nitwararika+. 100  Nkorana ugutegera kuruta abagabo b’inararibonye+, Kuko nubahirije amateka yawe+. 101  Natangiriye ibirenge vyanje ndabibuza umunyuro mubi wose+, Kugira ngumye ijambo ryawe+. 102  Sinakebeje ngo mve ku ngingo zawe z’ubutungane+, Kuko ari wewe wanyigishije+. 103  Ewe kuntu amajambo yawe yasoseye amagage yanje, Agasosera akanwa kanje kuruta ubuki+! 104  Ndabikesheje amateka yawe, nkorana ugutegera+. Ni co gituma nanse umunyuro w’ikinyoma wose+. נ [Nuni] 105  Ijambo ryawe ni itara ry’ikirenge canje+, Rikaba n’umuco w’ibarabara ryanje+. 106  Nararahiye indahiro, kandi nzoyishitsa+, Yo kugumya ingingo zawe z’ubutungane zigororotse+. 107  Natejwe amarushwa bimwe bikomeye+. Ewe Yehova, nunzigamire ubuzima nk’uko ijambo ryawe riri+. 108  Ndakwinginze uhimbarwe n’amashikanwa atangwa ku bushake y’akanwa kanje, ewe Yehova+, Kandi unyigishe ingingo zawe z’ubutungane+. 109  Ubuzima bwanje bwama mu kaga*+; Mugabo sinibagiye itegeko ryawe+. 110  Ababisha banteze umutego+, Mugabo sinangaye ngo nte amateka yawe+. 111  Ivyibutsa vyawe nabifashe nk’ikintu nigabira gushika igihe kitagira urugero+, Kuko ari vyo mwigino w’umutima wanje+. 112  Nahengekeye umutima wanje ku gushira mu ngiro ingingo nyobozi zawe+ Gushika igihe kitagira urugero, gushika kw’iherezo+. ס [Sameki] 113  Nanse ab’umutima wigabuye+, Ariko nakunze itegeko ryawe+. 114  Uri ubwihisho bwanje n’inkinzo yanje+. Narindiriye ijambo ryawe+. 115  Mve iruhande, mwa nkozi z’ikibi mwe+, Kugira nubahirize amabwirizwa y’Imana yanje+. 116  Nunshigikire nk’uko ijambo ryawe riri, kugira mbandanye kubaho+, Kandi ntumaramaze kubera icizigiro canje+. 117  Nunshigikire, kugira nkizwe+, Kandi nzokwama nihweza ingingo nyobozi zawe+. 118  Washibuye abo bose bazimira bakava ku ngingo nyobozi zawe+; Kuko amayeri yabo ari ibinyoma gusa+. 119  Wazimanganije ababisha bose bo kw’isi nk’inkamba+. Ni co gituma nakunze ivyibutsa vyawe+. 120  Inyama zanje zahinze agashitsi kubera ukukugirira ubwoba+; Kandi kubera ingingo zawe z’ubutungane, naratinye+. ע [ʽAyini] 121  Nashikije imanza be n’ubugororotsi+. Yoo! ntumpebere mu maboko y’abangunga+! 122  Niwishinge umusavyi wawe ku bw’iciza+. Abita imbere ntibangunge+. 123  Amaso yanje agwabijwe no kwipfuza ubukiriro bwawe+ Be no kwipfuza ijambo ryawe rigororotse+. 124  Nugirire umusavyi wawe ibihuye n’ubuntu bwuzuye urukundo bwawe+, Kandi unyigishe ingingo nyobozi zawe+. 125  Ndi umusavyi wawe+. Nuntahuze+, Kugira menye ivyibutsa vyawe+. 126  Ni igihe c’uko Yehova agira ico akoze+. Barenze itegeko ryawe+. 127  Ni co gituma nakunze amabwirizwa yawe+ Kuruta inzahabu, emwe, inzahabu ityoroye+. 128  Ni co gituma nabonye ko amateka yose yerekeye ibintu vyose agororotse+; Nanse umunyuro w’ikinyoma wose+. פ [Peʼ] 129  Ivyibutsa vyawe ni agatangaza+. Ni co gituma umutima wanje wavyubahirije+. 130  Ihishurwa ry’amajambo yawe ritanga umuco+, Rigatuma abantu batazi utuntu n’utundi batahura+. 131  Nataburuye akanwa kanje, kugira mpezagirike+, Kuko nacambiwe amabwirizwa yawe+. 132  Hindukirira kuri jewe, ungirire ubutoni+, Wisunze ingingo yawe y’ubutungane kuri barya bakunda izina ryawe+. 133  Nushimangire intambuko zanje mw’ijambo ryawe+, Kandi ntihagire ikibi na kimwe ciganza kuri jewe+. 134  Nuncungure unkize umuntu w’ingunge wese+, Nanje nzogumya amateka yawe+. 135  Nutume mu maso hawe hakayanganira ku musavyi wawe+, Kandi unyigishe ingingo nyobozi zawe+. 136  Imigezi y’amazi yatemvye mu maso yanje+ Kubera ko batagumije itegeko ryawe+. צ [Tsade] 137  Uri umugororotsi, ewe Yehova+, Kandi ingingo zawe z’ubutungane ziragororotse+. 138  Watanze ivyibutsa vyawe bwa tegeko+, mu bugororotsi No mu bwizigirwa buhebuje+. 139  Ishaka ryanje ryamaze+, Kubera ko abarwanizi banje bibagiye amajambo yawe+. 140  Ijambo ryawe riratyoroye cane+, Kandi umusavyi wawe ararikunda+. 141  Nta co ndi, kandi ndagayitse+. Sinibagiye amateka yawe+. 142  Ubugororotsi bwawe ni ubugororotsi bwo gushika igihe kitagira urugero+, Kandi itegeko ryawe ni ukuri+. 143  Amarushwa n’ingorane vyaranshikiriye+. Amabwirizwa yawe narayakunda cane+. 144  Ubugororotsi bw’ivyibutsa vyawe ni ubwo gushika igihe kitagira urugero+. Nuntahuze, kugira mbandanye kubaho+. ק [Kofu] 145  Nahamagaye n’umutima wanje wose+. Nunyishure, ewe Yehova+! Nzokwubahiriza ingingo nyobozi zawe+. 146  Narakwambaje. Yoo! nunkize+! Kandi nzogumya ivyibutsa vyawe+. 147  Navyutse kare mu bucagucagu+, kugira ntabaze+. Narindiriye amajambo yawe+. 148  Amaso yanje yitangiye imbere amaterama y’ijoro+, Kugira nitwararike ijambo ryawe+. 149  Yoo! niwumve ijwi ryanje nk’uko ubuntu bwuzuye urukundo bwawe buri+! Ewe Yehova, nunzigamire ubuzima nk’uko ingingo yawe y’ubutungane iri+. 150  Abakurikirana ivy’ubushirasoni+ begereye; Bagiye kure y’itegeko ryawe+. 151  Uri hafi, ewe Yehova+, Kandi amabwirizwa yawe yose ni ukuri+. 152  Namenye kera bimwe mu vyibutsa vyawe+, Kuko wabishinze ngo bigumeho gushika igihe kitagira urugero+. ר [Reshi] 153  Yoo! nubone amarushwa yanje, untabare+; Kuko ntibagiye itegeko ryawe+. 154  Yoo! niwifatire mu minwe urubanza rwanje, ungarukane+; Nunzigamire ubuzima nk’uko ijambo ryawe riri+. 155  Ubukiriro buri kure y’ababisha+, Kuko batarondeye ingingo nyobozi zawe+. 156  Imbabazi zawe ni nyinshi, ewe Yehova+! Yoo! nunzigamire ubuzima, nk’uko ingingo zawe z’ubutungane ziri+! 157  Abampama be n’abarwanizi banje ni benshi+. Sinakebeje ngo mve ku vyibutsa vyawe+. 158  Narabonye abantu b’ibihemu+, Kandi ndashishwa koko, kuko batagumije ijambo ryawe+. 159  Yoo! raba narakunze amateka yawe+! Ewe Yehova, nunzigamire ubuzima nk’uko ubuntu bwuzuye urukundo bwawe buri+. 160  Ijambo ryawe uko riri ni ukuri+, Kandi ingingo yawe yose y’ubutungane igororotse ni iyo gushika igihe kitagira urugero+. ש [Sini] canke [Shini] 161  Abaganwa barampamye ata gituma+, Mugabo umutima wanje wagiriye ubwoba amajambo yawe+. 162  Ndigina kubera ijambo ryawe+ Kurya umuntu yigina iyo aronse isahu ryinshi+. 163  Naranse ikinyoma+, kandi nguma ndacanka urunuka+. Nakunze itegeko ryawe+. 164  Nagushemeje incuro indwi ku musi+ Kubera ingingo zawe z’ubutungane zigororotse+. 165  Abakunda itegeko ryawe bagira amahoro menshi+, Kandi kuri bo nta gitsitaza kihaba+. 166  Narizigiye ubukiriro bwawe, ewe Yehova+, Kandi nashize mu ngiro amabwirizwa yawe+. 167  Umutima wanje wagumije ivyibutsa vyawe+, Kandi ndabikunda bihebuje+. 168  Nagumije amateka yawe n’ivyibutsa vyawe+, Kuko inzira zanje zose ziri imbere yawe+. ת [Tau] 169  Akamo kanje k’ukwinginga nikegere imbere yawe, ewe Yehova+! Yoo! nuntahuze, nk’uko ijambo ryawe riri+. 170  Ugusaba ubutoni kwanje nigushike imbere yawe+. Yoo! nundokore, nk’uko ijambo ryawe riri+. 171  Iminwa yanje nidudubize ishemezo+, Kuko unyigisha ingingo nyobozi zawe+. 172  Ururimi rwanje niruririmbe ijambo ryawe+, Kuko amabwirizwa yawe yose ari ubugororotsi+. 173  Ukuboko kwawe nikumfashe+, Kuko nahisemwo amateka yawe+. 174  Nacambiwe ubukiriro bwawe, ewe Yehova+, Kandi itegeko ryawe ndarikunda cane+. 175  Ese nobandanya kubaho no kugushemeza+, Kandi ese ingingo zawe z’ubutungane zomfasha+! 176  Nangaye nk’intama yazimiye+. Yoo! rondera umusavyi wawe+, Kuko ntibagiye amabwirizwa yawe+.

Amakuru yiyongereye

Ijambo ku rindi ni “noroheje mu maso hawe.”
Ijambo ku rindi ni “mu kiganza canje.”