Zaburi 104:1-35
104 Hezagira Yehova, mutima wanje+!Ewe Yehova Mana yanje, wabonetse ko uhambaye cane+.Wiyambika iteka n’ubwiza bwakaka+,
2 Witwikira umuco nk’impuzu+,Uramvura amajuru nk’igitambara c’ihema+,
3 Ukaba Umwe yubaka mu mazi ivyumba vyiwe vyo hejuru akoresheje ibigiga+,Akagira ibicu umukogote wiwe+,Akagendera ku mababa y’umuyaga+,
4 Akagira abamarayika biwe impwemu+,Abasuku biwe akabagira umuriro urigata+.
5 Yashinze isi ku bibanza vyayo bishimangiye+;Ntizogenda inyiganyijwe gushika igihe kitagira urugero, emwe gushika ibihe bidahera+.
6 Wayipfutse inyenga y’amazi nk’impuzu+.Amazi yareremba hejuru y’imisozi+.
7 Warahambaye atangura guhunga+;Yumvise ijwi ry’umuturagaro wawe, yiruka yataye umutwe,
8 Imisozi itangura kuduga+,Ibiyaya vy’imibande bitangura kumanuka,Yiruka aja mu kibanza wayashingiye.
9 Washinze urubibe adakwiye kurenga+,Ngo ntiyongere gupfuka isi+.
10 Arungika imbizi mu myonga+;Ziguma zitemba hagati y’imisozi.
11 Ntizihengeshanya kunywesha ibikoko vyose vyo mu gahinga+;Imparage+ zama zîzimya inyota.
12 Hejuru yazo ni ho ibiremwa biguruka vyo mu kirere vyikinga+;Biguma bijwiragirira mu mababi azitanye+.
13 Anywesha imisozi ari mu vyumba vyiwe vyo hejuru+.Isi ihazwa n’ivyamwa vy’ibikorwa vyawe+.
14 Amereza ibikoko ivyatsi bitoto+,N’ibimera ngo abantu bavyikoreko+,Ngo atume ibifungurwa bisokoroka biva mw’ivu+,
15 N’umuvinyu unezereza umutima w’umuntu buntu+,Ngo akayanganishe mu maso amavuta+,N’umukate utunga umutima w’umuntu apfa+.
16 Ibiti vya Yehova birahaga,Amasederi y’i Libani yateragiye+,
17 Aho inyoni ubwazo zarika+.Nayo agasoza, ibiti vy’imiberoshi ni vyo nzu yako+.
18 Imisozi miremire+ ni iy’impene zo mu misozi+;Ibibuye vy’urutare ni ubuhungiro bw’inkezi zo mu bitandara+.
19 Yakoze ukwezi ku bw’ibihe vyashinzwe+;Izuba ubwaryo rirazi neza iyo rirengera+.
20 Uzana umwiza, ngo habe mw’ijoro+;Ibikoko vyo mu kibira vyose bigendagenda muri ryo.
21 Intambwe z’imikangara z’imigāra ziroha zirondera ico zicakira+,No kugira zirondere ku Mana ico zirya+.
22 Izuba ritangura kwaka+, bikigira,Bikiryamira mu bwikingo bwavyo.
23 Umuntu arasohoka akaja ku murimo wiwe+,Akaja ku gikorwa ciwe gushika ku mugoroba+.
24 Ewe kuntu ibikorwa vyawe ari vyinshi, Yehova we+!Vyose wabikoranye ubukerebutsi+.Isi yuzuye ivyo wakoze+.
25 Nayo iki kiyaga amahanga kandi kigereza kure gutyo+,Muri co hariyo ibigendagenda bitagira igitigiri+,Ibinyabuzima, bitobito na bininibinini+.
26 Aho ni ho imeri zigendagenda+;Nayo Lewiyatani+, wayibumvye ngo yiginagure muri co+.
27 Vyose, biguma bikurindiriye+Ngo ubihe indya zavyo mu gihe cazo+.
28 Ico ubihaye biratora+.Upfumbaturura ikiganza cawe, bigahaga ivyiza+.
29 Uhishije mu maso hawe, bihagarika umutima+.Utwaye impwemu yavyo, biracikana+,Bigasubira mu mukungugu wavyo+.
30 Urungitse impwemu yawe, biraremwa+;Ku buringanire bw’ubutaka uhagira hashasha.
31 Ubuninahazwa bwa Yehova buzokwamaho gushika igihe kitagira urugero+.Yehova azonezererwa ibikorwa vyiwe+.
32 Araba isi, ikajugumira+;Akora ku misozi, igafumba umwotsi+.
33 Nzoririmbira Yehova ubuzima bwanje bwose+;Nzohibongoreza Imana yanje igihe cose nzoba nkiriho+.
34 Ukuzirikana ibiyerekeye kwanje nikube akaryoshe+.Nayo jewe, nzonezerwa muri Yehova+.
35 Abacumuzi bazoherengetezwa kw’isi+;Nayo ababisha, ntibazokwongera kubaho+.Hezagira Yehova, mutima wanje! Shemeze Ya+!
