Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Yobu 33:1-33

33  “Ariko ubu rero ga Yobu, ndakwinginze wumve amajambo yanje, Kandi utege ugutwi ivyo mvuga vyose.   Raba, ndakwinginze! Mbwirizwa guteranura akanwa kanje; Ururimi rwanje, kumwe n’amagage+ yanje, rubwirizwa kuvuga.   Amajambo yanje ni ukugororoka kw’umutima wanje+, Kandi ubumenyi ni bwo iminwa yanje ivuga ata buryarya+.   Impwemu y’Imana yarandemye+, Impemu za Mushoboravyose zimpa ubuzima+.   Nimba ubishoboye, nyishura, Tondeka amajambo imbere yanje; hagarara ng’aho.   Raba! Meze nkawe ku Mana y’ukuri+; Na jewe nabumbabumbwe mw’ibumba+.   Raba! Nta giteye ubwoba co muri jewe coguca ivutu, Kandi nta mukazo+ uvuye kuri jewe wokuremera.   Kimwe gusa, wavugiye mu matwi yanje, Kandi nagumye numva ijwi ry’amajambo yawe, ngo:   ‘Ndatyoroye, nta kigabitanyo ngira+; Ndera, nta kosa mfise+. 10  Raba! Imana iraronka uturyo two kundwanya, Imfata nk’umwansi wayo+. 11  Ishira ibirenge vyanje mu mpatane z’ibiti+, Igumiza ijisho ku minyuro yanje yose+.’ 12  Raba! Ng’uku uko nkwishura: aho nturi mu kuri+; Kuko Imana iruta rwose umuntu buntu+. 13  Kubera iki ari yo warwanije+? Ni uko amajambo yawe yose itayishura+? 14  Kuko Imana ivuga rimwe, Na kabiri+, naho nyene ata wuvyitaho, 15  Mu ndoto+, mw’iyerekwa+ ryo mw’ijoro, Igihe itiro rirerire rihwikiye abantu, Mu gatiro ku gitanda+. 16  Ni ho ipfukura ugutwi kw’abantu+, Igashira ikidodo cayo ku vyo ibahimiriza, 17  Kugira ikevye umuntu ave ku gikorwa ciwe+, No kugira ipfuke ubwishime, buhishwe+ umuntu w’umugabo. 18  Imurinda icobo+, Ubuzima bwiwe ikaburinda ntibuhitanwe n’umwampi+. 19  Arakangirwa n’ububabare ku gitanda ciwe, Kandi ugutongana kw’amagufa yiwe ntigutezura. 20  Ubuzima bwiwe butuma umukate uba uwushisha+, Umutima wiwe ukagira gutyo nyene ibifungurwa biryoshe. 21  Umubiri wiwe urashira ntusubire kuboneka, Amagufa yiwe atahora aboneka akambara ubusa. 22  Yegereza icobo+, Ubuzima bwiwe bukegereza abateza urupfu. 23  Nimba hariho intumwa itumwa ku bwiwe, Umuvugizi, umwe mu gihumbi, Kugira amenyeshe umuntu ukugororoka kwiwe, 24  Iraheza ikamugirira ubutoni ikavuga iti: ‘Numureke ntamanuke mu cobo+! Naronse incungu*+! 25  Umubiri wiwe nutotahare kurusha mu buto+; Nasubire mu misi y’ingoga ziwe zo mu buto+.’ 26  Azokwinginga Imana ngo ihimbarwe na we+, Azobona mu maso hayo n’akaruru k’umunezero, Na yo izosubiza ubugororotsi bwayo umuntu buntu. 27  Azoririmbira abantu ngo: ‘Naracumuye+; kandi ibigororotse narabigoretse, Kandi koko si co cari ikintu kibereye kuri jewe. 28  Yarancunguye ngo sinje mu cobo+, Kandi ubuzima bwanje buzobona umuco.’ 29  Raba! Ivyo vyose Imana irabikora, Kabiri, gatatu, ikabikorera umuntu w’umugabo, 30  Kugira igarure ubuzima bwiwe ibukize icobo+, Ngo amurikirwe n’umuco w’abazima+. 31  Tega ugutwi Yobu we! Nyumviriza! Guma ucereje, nanje mbandanye kuvuga. 32  Nimba hari amajambo yo kuvuga, nunyishure; Vuga, kuko mpimbawe n’ubugororotsi bwawe. 33  Nimba ata yahari, nunyumvirize+; Guma ucereje, nanje nkwigishe ubukerebutsi.”

Amakuru yiyongereye

Raba Inyongera ya 21.